Ish-publicisti dhe kandidati i AAK-së në listën e koalicionit PDK AAK Nisma Halil Matoshi nuk “dorëzohet” lehtë. Megjithëse ka pak gjasa që të jetë deputet i Kuvendit të Kosovës, Matoshi ka harutar një Dekalog prej 10 pikash për Qeerisjen eventuale të Ramish Haradinajt.

Ja dekalogu I Matoshit për Haradinajn:

DEKALOGU për nji Qeverisje të mirë: Qeveria Haradinaj

1. Ramush Haradinaj asht nji lider i guximshëm dhe i shkathtë, dinamik dhe që e shquen sensi për drejtësi e patriotizëm konstitucional, prandej besohet se ai do ta drejtojë nji ekip të përbamë nga figura publike të pashpenzueme e që kanë rezultate të dukshme në veprimtarinë e tyne dhe që nuk janë njerëz pa profesion dhe pa asnjë rezultat në sferën nga e cila hyjnë në politikë; Sepse kjo Qeveri duhet të dëshmohet që në 100-ditëshin e parë si armike e pashembullt e korrupsionit dhe krimit të organizuar dhe që nuk do të lë gur pa lëvizur për ta vendosur shtetin e së drejtës;
2. Haradinaj me partnerët ka me e ndërtue nji Qeveri të përgjegjshme, transparente e llogaridhanëse, duke i ba institucionet ekstraktive qysh janë aktualisht – institucione demokratike dhe shërbyese – (nocioni ‘Institucionet ekstraktive’ mund të përkthehet në shqip si institucione perfituese” , që si përkufizim i bie se institucionet “janë kapur” nga një grup njerëzish dhe shfrytzohen për të përfituar në kurriz të pjesës tjetër të njerëzve, pra në kurriz të qytetarëve.)
3. Haradinaj duhet me e ndërtue një Qeveri me njerëz të pakorruptuem e të pakorruptueshëm, që e ruejn si sytë e ballit secilin cent të taksapaguesve dhe që kanë ide, politike e kreative, që lidershipit do t’ia rikthejnë besimin e humbur ndërsa qytetarit dinjitetin e nëpërkambun! Thjesht me e ba Kosovën – vend të jetueshëm.
4. Haradinaj do të ndërtojë një Qeveri të fuqishme për nga bagazhi intelektual dhe integriteti moral, Qeveri e cila me përkushtimin ndaj shtetit, me dashuri dhe besnikëri ndaj atdheut, ndaj rendit kushtetues dhe simbolik, që ka ekspertizë për çështjet që duhet adresu dhe zgjidhë, do ta bëjë diferencën me të gjitha qeverisjet e dreitashme të Kosovës.
5. Nëse Qeveria Haradinaj nuk reflekton sinqeritet dhe nikoqirllëk, gatishmëni për me u përballë me problemet dhe që nuk jep shenja të rritjes ekonomike, zvogëlimit të papunësisë , si dhe rezultate të ndjeshme e pashme në rritjen e matshme të nivelit të arsimit si dhe rritje të nivelit të shërbimeve shëndetësore, që në 100-ditëshin e parë të qeverisjes, kjo garniturë nuk do tab ante diferencën dhe do të përfundonte shpejt e palavdishëm, si Qeveritë e pas pavarësimit të vendit.
6. Nëse Qeveria Haradinaj nuk dëshmohet qartësisht e ndryshme nga Qeveritë pararëndëse, ne aspektin e kredibilitetetit profesional e politik, kjo do ta nxis edhe më shumë humbjen e besimit në klasën politike kosovare – duke e nxitur eksodin – dhe do ta rrisë mllefin antiestabilihsment, që do të paraqiste rrezik të lartë për stabilitetin e shtetit si dhe luhatje të miqësisë me aleatët strategjik të Kosovës;
7. Qeveria Haradinaj nuk do të jetë lokaliste dhe diskriminuese ndaj rajoneve të ndryshme kosovare ose ndaj etnive apo komuniteteve fetare të ndryshme; Pra do të jetë Qeveri që mbron dhe avanson të drejtat e njeriut dhe liritë civile simas standardeve të demokracisë perëndimore;
8. Kjo Qeveri do t’i shpërndajë në mënyrë racionale e të balancueme të mirat materiale, në nivel kombëtar, duke planifikuar mire të drejtën e brezave në pasuritë kom bëtare;
9. Qeveria Haradinaj ka me u angazhue për emancipim shoqnor, perëndimorizim të vendit (në të gjitha aspektet) , pra ka me qenë nji Qeveri me qasje oksidentale e jo aksidentale (orientale) dhe ka me vlejtë si reformatore e cila i jep krah estabilishmentit për të ndërtuar sistemin funksional shoqëror të qëndrueshëm, i cili nuk do të varet nga ideologjitë partiake apo fanatizmat fetar, nuk do të varet nga turret e huqet e individëve ose grupeve (pakicave profetike) me ambicie për narrative të mdha;
10. Pra Haradinaj ka me e ndërtue nji Qeveri që e ruan si të mbrrimen ma kulmore laicitetin e shtetit (shtetin secularist) dhe që nuk përzihet në çashtjet e feve.

Prince Caffe pjesëmarrës në panairin “Gulfood Fair 2024” në Dubai

Sponsoruar