Lajme

Këta janë të dyshuarit që u arrestuan për laboratorët ilegalë në Fushë Kosovë – mbyllen dy subjekte, sekuestrohen dokumente e vulë fiktive

Autori: Gazeta inFokus 10:05 | 07 May 2025

Hetuesit e Krimeve Ekonomike kanë zbuluar një veprimtari të kundërligjshme mjekësore dhe farmaceutike që zhvillohej në dy laboratorë në Fushë Kosovë, të cilët operonin pa staf të licencuar dhe me dokumente të falsifikuara.

Sinjali mëson ekskluzivisht se të arrestuarit në këtë rast janë: Fidaim Shalaku, 48 vjeçar, Bekim Gashi, 53 vjeçar.

Më 7 maj 2025, pas hetimeve të zhvilluara nga Sektori për Hetime Financiare, janë bastisur dy laboratorë:  “Dibuna Lab” në rrugën “Lidhja e Pejës”, “Swiss Lab” në rrugën “Shefki Kuleta” në Fushë Kosovë.

-Advertisement-

Sipas hetimeve, këto laboratorë lëshonin analiza biokimike duke përdorur licencën e dyshimtë të biokimistes Slavica Ristic, 74 vjeçare, për të cilën dyshohet se është fiktive.

Gjatë hetimeve janë aplikuar masa të posaçme hetimore, përfshirë simulimin e blerjes së shërbimeve, përmes së cilës janë siguruar raporte biokimike me vulën e biokimistes Ristic.

Në vendin e ngjarjes janë thirrur edhe inspektorët e Inspektoratit Shëndetësor, të cilët kanë konstatuar shkelje të rënda dhe kanë urdhëruar mbylljen e të dy laboratorëve.

Sekuestrohen prova: shtëpiza kompjuteri, telefona celular, vula e biokimistes, raporte të analizave të pacientëve

Të dyshuarit janë arrestuar në vendin e ngjarjes dhe, me vendim të Prokurorit të Prokurorisë Themelore në Prishtinë, janë ndaluar për 48 orë.

Ata po hetohen për veprat penale: Ushtrimi i kundërligjshëm i veprimtarisë mjekësore/farmaceutike, Falsifikimi i dokumenteve, Legalizimi i përmbajtjes së rreme

Hetimet vazhdojnë nën mbikëqyrjen e prokurorit të shtetit.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Subscribe në YouTube: GAZETA INFOKUSI
Super Zbritje në Artmotion
-Advertisement-

Të tjera

Fokusi

lajme