Lajme

Këta janë ministrat e deputetët që do të u kontrollohet pasuria

Autori: Gazeta inFokus 15:47 | 29 Qershor 2018

Zyrtarët politik për të cilët Agjensioni Kundër Korrupsionit ka dyshime do tu kontrollohet pasuria.

E në këtë listë bëjnë pjesë edhe zyrtarët më të lartë të vendit duke filluar nga presidenti, ministrat, deputetët deri te këshilltarët komunal, shkruan GazetaFokus.

Tre është numri i ministrave që do tu kontrollohet pasuria, ministrit të Punës dhe Mirëqenies Sociale, Skender Reçicës, ministrit të Diasporës dhe Investimeve Strategjike, Dardan Gashi dhe ministrit të Bujqësisë, Nenad Rikalo.

-Advertisement-

Por numri i deputeteve është dukshëm më i madh, gjithsej 20.

Pasuria do ti kontrollohet të pari të Vetëvendosjes Albin Kurtit, së bashku me 6 deputetë të tij, Saranda Bugujevcin, Fitore Pacolli-Dalipin, Adem Mikullovcin, Fatmire Kollçakun, Sali Zyben, Ali Lajçin.

E njëjta kontroll pasurie do tu bëhet dhe katër deputetëve të PDK-së, Xhevahire Izmakut, Evgjeni Thaçi – Dragusha, Elmi Reçicës dhe Zenen Pajazitit.

Edhe shefi i Grupit Parlamentar të LDK-së, Avdullah Hoti dhe deputeti i LDK-së, Driton Selmanj janë pjesë e kësaj liste.

Gjithashtu në këtë listë janë edhe deputeti i Nisma-së, Milaim Zeka, ai i AAK-së, Shkumbin Demaliaj, i PSD-së, Visar Ymeri, i Alternativës, Ilir Deda.

Edhe deputetët e Kuvendit të Kosovës nga radhët e komuniteteve janë pjesë e kësaj kontrolle, Duda Balje deputete e VAKAT, Slavko Simic nga Lista Serbe, Müfera Srbica – Şinik nga 6+ dhe Emilija Redžepi nga Partia e Re De Demokratike (NDS).

GazetaFokus gjatë të premtes ka raportuar se pjesë e kontrolleve që do të bëjë Agjencia Kundër Korrupsionit është edhe presidenti i Kosovës, Hashim Thaçi. Bashkë me të do të kontrollohet edhe Evgjeni Thaçi – Dragusha.

Lexo edhe: Edhe Hashim Thaçit e mbesës së tij do ti kontrollohet pasuria

Më poshtë mund të gjeni listën e plotë të zyrtarëve të lartë politik në Kosovë të cilave do të u kontrollohet pasuria. Kliko ketu/GazetaFokus.