Lajme

Këta janë kandidatët me emra të çuditshëm në listat zgjedhore

Autori: Gazeta inFokus 13:13 | 02 June 2017

Një Skënderbe në listën e koalicionit PDK-AAK-NISMA, një Esmeraldë në Partinë Liberale Egjiptiane e një Kolosale në Partinë Demokratike të Unitetit, e shumë emra tjerë kolosalë në listat tjera zgjedhore. Këta janë kandidatet me emra e mbiemra interesantë që garojnë për deputetë më 11 qershor, shkruan Gazeta Express.

Emrat Gjergj, Kastriot apo Skënder kemi dëgjuar shpesh, por Skënderbe jo. E një të tillë e gjeni në listën e koalicionet PDK-AAK-NISMA për Deputetë, ai është Skënderbe Hebibi i PDK’së.

Emra interesantë kanë edhe dy kandidate të Partisë së Ashkalinjëve për Integrim. Arize Haliti e Hanumsha Dalipi synojnë nga një ulëse në kuvend.

-Advertisement-

Nga kjo listë s’mund të mbetet jashtë as e bija e myftiut Naim Tërrnava, Refiqja, që garon për deputete të koalicionit LDK-AKR. E në të njëjtën listë, emër e mbiemër të çuditshëm ka edhe Synavere Rysha. Për mbiemrin e Fatonit keni dëgjuar edhe më parë – Peci, shkruan Expess.

Në të njëjtën listë, prizrenasja Afërdita Morina të çudit me mbiemrin Biffar, të burrit të saj gjerman.

Ballacërrka është mbiemri i Krenares, kandidates së IRDK’së (Iniciativa e Re Demokratike e Kosovës).

Esmeralden të gjithë e njohim si protagoniste të një seriali të famshëm latino-amerikan të viteve ’90-ta, por sot është koha ta njohim Esmeralda Berisha Osmanaj, kandidaten për deputete të Partisë Liberale Egjiptiane.

Bajramsha Braimi po ashtu ndodhet në të njëjtën listë.

E Kolosalja e kësaj liste mbetet Kolosale Citaku, kandidatja e Partisë Demokratike të Unitetit. Në PDU keni edhe Mirsije Bekerin, e Mala Shalen.

Partia Fjala e Gëzim Kelmendit, brenda listës se saj ka një vetmi dhe një çakmak – Avni Çakmaku e Vetima Korpani. Duke mos i harruar, Abdelnaser Çunin e Belkise Berisha-Xhemajli.

Subscribe në YouTube: GAZETA INFOKUSI