Lajme

Këta ishin të ftuarit e parë të Vjosa Osmanit

Autori: Gazeta inFokus 14:54 | 06 April 2021

Xhudistët e Kosovës ishin mysafiret e parë të Presidentes, Vjosa Osmanit.

Me të ardhur në zyrat e Presidencës, Osmani ka pritur në takim, Majlinda Kelmendin, Driton Kukën, e xhudistët e tjerë, shkruan Gazeta Infokus.

“Të ftuarit e mi të parë në Presidencë ishin ato e ata që lartësuan flamurin e Kosovës aty ku nuk arrinte dot as politika as diplomacia. Ka disa vjet që xhudistet e xhudistët e Kosovës janë bërë ambasadorët tanë më të mirë.Majlinda Kelmendi, Nora Gjakova, Distria Krasniqi, Loriana Kuka, Akil Gjakova dhe shumë të tjerë jo vetëm që kanë korrur suksese historike në këtë disiplinë sportive, por kanë ngritur flamurin dhe nderuar himnin e Kosovës edhe në vende që akoma nuk e kanë njohur Kosovë”, ka thënë Osmani.

Një qytetar paralajmëron sulm nëse nuk hiqet flamuri i Rugovës në Presidencë, thotë se ai është provokim

Osmani ka deklaruar se këta janë pjesa më pozitive e rrëfimit për Kosovën kudo në botë.

“Këta janë krenaria e kombit tonë. Me rezultatet e tyre e kanë vendosur Kosovën në hartën e botës ndaj u jemi mirënjohës secilit nga ta!Shpirti garues i xhudisteve e xhudistëve tanë mban mbi supe shpresën e rinisë sonë se asgjë nuk është e paarritshme dhe se me përkushtim, punë, pasion e disiplinë ëndrrat bëhen realitet”, ka shkruar ajo./Gazeta Infokus/

Të tjera