Kështu vendosi Ramush Haradinaj të martën për pagat e Policisë së Kosovës (Dokument)
Autori: Halil Berisha 17:18 | 17 December 2019
Ramush Haradinaj para se ta lë karrigen e kryeministrit ka marr një vendim, me të cilin duket se do t’ia vështirësoi punët Albin Kurtit, nëse merr drejtimin e qeverisë me Policinë e Kosovës.
Të martën, Haradinaj ka thirrur kabinetin e tij ku është vendosur që drejtorit të Policisë së Kosovës dhe vartësve të tij tu paguhen shtesat e posaçme në pagë për rrezikshmëri nga 16 deri në 40 për qind, shkruan gazeta inFokus.
E miratimi i këtij vendimi erdhi pas kërkesës së Ministrisë së Punëve të Brendshme për futjen në rend dite Propozim-vendimin, të cilën e posedon Gazeta inFokus.
Megjithatë, këto shtesa, për të cilat pavarësisht se u votua në Qeverinë e Kosovës, zyrtarët e Policisë e IPK-së nuk do të mund t’i marrin edhe për një kohë.
Kjo pasi këto shtesa të rrezikshmërisë parashihen në Ligjin për Paga, nenin 14, e cila në pikën 4 të saj obligon që për marrjen e tyre duhet që listat e pozitave të zyrtarëve policor e grupeve tjera që i përfitojnë këto shtesa të përcaktohen me akt nënligjor të Qeverisë, sikur ky i së martës.
Por, këtë ligj tanimë e ka pezulluar Gjykata Kushtetuese, e rrjedhimisht, pavarësisht se u votua në Qeveri, këto nuk do të mund të realizohen.
Këtë e ka konfirmuar për Gazetën inFokus, ministri i Punëve të Brendshme, Ekrem Mustafa.
“Është miratu vendimi, kërkesa e Ministrisë së Punëve të Brendshme për rrezikshmëri, pagesën për rrezikshmëri siç ka ekzistu por aplikimi i këtij vendimi fillon në momentin e heqjes së masës së përkohshme të Gjykatës Kushtetuese”, ka thënë Mustafa.
“Kur të hiqet masa e përkohshme do të thotë ky vendim hyp në fuqi, kjo shkon në bazë të ligjit të pagave, na nuk mundemi me ndryshu ligjin e pagave, siç ka qenë deri tani rrezikshmëria qysh është pagu ashtu ka mu pagu edhe pas hypjes në fuqi të ligjit të pagave”, është shprehur ai për gazetën inFokus .
Kësisoj, në rast se përfundimisht pezullohet vendimi për Ligjin e Pagave nga Gjykata Kushtetuese, gëzimi i zyrtarëve policor për shtesat e rrezikshmërisë nuk do të materializohet siç ka deklaruar i pari i Qeverisë të martën.
Kryeministri në detyrë, Ramush Haradinaj në konferencë për media u krenua duke thënë se me këtë vendim do të mbrohet dinjiteti dhe kompenzoihet mundi i atyre që kujdesen për sigurinë në vend.
“Kemi rregulluar sot rrezikshëmrinë për policinë, imagjino nuk është çështje e rregullune e kemi rregullu atë sepse policët tash në këtë të ftohtë duhet me nejt jashtë duhet me patrollu kur na flejm, duhet me na siguru që fëmija jonë shkoj në në shkollë e nuk janë të rrezikunë, si në jug, si në veri, si lindje, si në perëndim, ndërsa nuk ka shtet që i përcjell ata, nuk ju kem pagu as shtesë ta zëm, duhet me i kry, janë disa tema që janë obligative me hec përpara”, ka thënë Haradinaj.
Sa do të paguhen policia për rrezikshmërinë?
Me vendimin e miratuar të martën në Qeverinë e Kosovës, shtesat e rrezikshmërisë janë paraparë në disa nivele, ku do të paguhen prej 16 deri në 40% të pagës bazë për policët dhe inspektorët policor.
Drejtori i Përgjithshëm i Policisë -16%, Zëvendësdrejtori i Përgjithshëm i Policisë -16% e Drejtori i Departamentit – 16%
Koloneli, Nënkoloneli e Majori gjithashtu do të kenë shtesën e rrezikshmërisë prej 16%,
Ndërsa, majorët e Njësisë Speciale Intervenuese dhe asaj të Mbrojtjes së Afërt do të marrin shtesat më të larta prej 40%.
Majorët e Njësisë Speciale Operative do të kenë shtesa prej 38%, ndërsa majorët – komandant stacioni do të kenë 28%.
40% të shtesave do të marrin edhe Kapitenët e NJSI, NJMA, Njësia për trajtimin e Materieve Eksploduese, Sektori i Vëzhgimit dhe Mbështetjes Teknike dhe Zyrtarët në Drejtorinë për Mbrojtjen e Dëshmitarëve.
E 38% shtesa për rrezikshmëri do të kenë Kapitenët e NJSO, K9 dhe Sektori për përgjime ligjore, shkruan gazeta inFokus.
Ndërsa shtesat edhe për kategoritë tjera janë në dokumentet e siguruara nga Gazeta inFokus, e të bashkangjitura mëposhtë.
Shtesat e rrezikshmërisë janë të lidhura edhe më Ligjin për Paga, saktësisht në nenin 14 të këtij Ligji.
Në pikën 4 të nenit 14 të Ligjit për Paga thuhet se “Lista e pozitave të zyrtarëve policor, Inspektoratit policor, zyrtarëve doganor dhe zyrtarëve të Administratës Tatimore, që përfitojnë shtesën e posaçme, rregullat për fitimin dhe vlera e shtesës përcaktohet me akt nënligjor të Qeverisë, me propozim të ministrisë përgjegjëse për punë të brendshme dhe ministrisë përgjegjëse për financa”.
Tani, këto u përcaktuan këtë të martë përmes vendimit të Qeverisë, megjithatë, Ligji për Paga tanimë është i pezulluar nga Gjykata Kushtetuese, shkruan gazeta inFokus.
Kësisoj, në rast se Kushtetuesja e shfuqizon komplet këtë ligj atëherë vendimi i së martës i Qeverisë Haradinaj, do të mbetet vendim i kësaj qeverie, mirëpo të cilin nuk do të mund ta zbatoj qeveria e re, e cila po synohet të udhëhiqet nga Albin Kurti./Gazeta inFokus/
Të tjera
-
Gazetari serb: Vuçiq dhe Lista Serbe do t’i tradhëtojnë deri në fund serbët e Kosovës
Analisti serb, Branisllav Kërstiq, ka deklaruar se në amplitudën e tradhëtisë...
-
Hoti ngre alarmin për mungesë të investimeve kapitale, kërkon rishikim të politikave fiskale
Ish-kryeministri i Kosovës, Avdullah Hoti deklaron se në Qeverinë Kurti janë ...
-
Shkoi për ta vizituar babanë, u bë piktor i njohur, historia frymëzuese e Zecir Gashit nga Gjermania
Një histori frymëzuese nis në vitin 1994 kur Zecir Gashi, kishte udhëtuar për...
-
Kosova merr një mirënjohje në Bienalen e Venecias, ministrja serbe e lëshon sallën (Video)
Ministri i Kulturës, Rinisë dhe Sportit, Hajrulla Çeku, ka bërë të ditur se p...
-
46 mijë e 556 qytetarë me të drejtë vote në referendumin e së dielës në veri
46 mijë e 556 qytetarë të katër komunave veriore, kanë të drejtë të marrin pj...
-
Shumica e pasurisë së kryeparlamentarit Konjufca në emër të prindit
Vetëm një banesë 90 metra katrorë që ka vlerën e 60 mijë eurove, e ka deklaru...
-
Ngritët kallëzim penal ndaj dy inspektorëve dhe u.d kryeinspektores së Shëndetësisë, ia ndërprenë jashtëligjshëm punën një qendre shëndetësore
Është ngritur kallëzim penal ndaj ushtrueses së detyrës së kryeinspektores së...
-
Presidentja Osmani shumicën e pasurisë e deklaron në emër të bashkëshortit të saj
Në deklarimin e pasurisë të bërë në Agjencinë Kundër Korrupsionit, Presidentj...
-
Kryeministri Kurti deklaron pasurinë: Banesë në vlerë 400 mijë euro në emër të gruas (Dokument)
Kryeminsitri Albin Kurti ka deklaruar në Agjencinë për Parandalimin e Korrups...
-
Ramush Haradinaj deklaron pasurinë: Vetëm shtëpitë dhe vila e tij kanë vlerë mbi 1.2 milion euro (Dokument)
Ish-kryeministri i Kosovës, Ramush Haradinaj ka deklaruar pasurinë e tij në A...
-
Memli Krasniqi deklaron pasurinë: 65 mijë euro në Bitcoin, shtëpi 180 mijë euro e banesë 120 mijë euro (Dokument)
Agjencia Kundër Korrupsionit ka publikuar të shtunën, deklarimet e pasurisë s...
-
Në 25 vjetorin e rënies, Haradinaj kujton heroin Selman Lajçi dhe të rënët e Brigadës 136 “Rugova”
Kryetari i Aleancës për Ardhmërinë e Kosovës (AAK), Ramush Haradinaj, ka kujt...