Lajme

Kështu uron Agim Bahtiri 28 nëntorin

Autori: Gazeta inFokus 10:32 | 28 November 2018

Kryetari i Komunës së Mitrovicës, Agim Bahtiri, ka uruar Ditën e Flamurit, përvjetorin e 21-të të paraqitjes publikes të UÇK-së dhe ditëlindjen e komandantit legjendar, Adem Jashari.

“Të dashur qytetarë të Mitrovicës, Me rastin e festave të Nëntorit, 28 Nëntorin–Ditën e Flamurit Kombëtar, ditëlindjen e komandantit legjendar Adem Jashari dhe paraqitjen publike të Ushtrisë Çlirimtare të Kosovës, të gjithë qytetarëve të komunës ju shpreh urimet më të përzemërta dhe më të sinqerta”, ka thënë ai.

Përmes një postimi në llogarinë e tij në Facebook, Bahtiri ka shkruar se mitrovicasit kanë pasur edhe një arsye më shumë për festë në këtë ditë, pasi heroi Isë Boletini, përfaqësoi Kosovën në ngritjen e Flamurit Kombëtar me 1912, duke e shpallur kështu pavarësinë e Shqipërisë, transmeton Gazeta InFokus.

-Advertisement-

“Ne mitrovicasit gjithmonë kemi një arsye më shumë që 28 Nëntorin ta kremtojmë në mënyrë madhështore e dinjitoze. Mitrovica dhe mitrovicasit janë krenarë që njëri nga djemtë më të shquar të këtij trualli, heroi Isë Boletini, përfaqësoi Kosovën në ngritjen e Flamurit Kombëtar me 1912, duke e shpallur kështu pavarësinë e Shqipërisë. Heroi kombëtar Isë Boletini, heronjtë dhe dëshmorët tjerë, si dhe veprimtarët e shumtë të shquar të çështjes kombëtare nga komuna jonë, për kontributin që kanë dhënë për të mirën e kombit, për Shqipërinë e Kosovën, për jetë e mot do të mbesin të nderuar e të vlerësuar”, ka shkruar kryetari i Mitrovicës.

Bahtiri po ashtu ka thënë se heronjtë janë burim i frymëzimit për të dashur Kosovën, Shqipërinë dhe flamurin kombëtar.

“Ata për ne janë burim i frymëzimit për ta dashur Kosovën, Shqipërinë dhe Flamurin tonë kombëtar, si dhe për ta prosperuar Mitrovicën e Kosovën. Është kjo ditë, ku çdo shqiptar përulet me nderimet më të mëdha, para qindra e mijëra vajzave e djemve që u flijuan për pavarësinë e Shqipërisë. Urime për të gjithë shqiptarët, festa e Flamurit”, ka përfunduar Agim Bahtiri në llogarinë e tij në Facebook.

Subscribe në YouTube: GAZETA INFOKUSI
Etiketa:
E PREMTJA E BARDHË NË ETC ME ZBRITJE DERI 50%
-Advertisement-

Të tjera

Fokusi

lajme