Lajme

Kështu ua garanton punësimin të rinjve Vetëvendosje

Autori: Gazeta inFokus 09:34 | 07 April 2021

Lëvizja Vetëvendosje, si partia e parë fituese në zgjedhjet e 14 shkurtit, me shumicë edhe në Kuvendin e Kosovës, në programin e saj politik ndër prioritetet e para ka futur edhe Skemën e Punësimit të Garantuar, që do të përfshijë moshat prej 16 deri në 18 vjeç.

Sipas këtij programi e kësaj skeme, të rinjtë kosovarë do të kenë mundësinë e përfitimit të pagës dhe një vendi të punës të garantuar nga vet shteti deri në një vit të plotë, përcjell Buletini Ekonomik.

Ndërkohë, për të rinjtë e gjithë vendit që dëshirojnë të orientohen nga ndërmarrësia, kjo parti ka paraparë të vë në dispozicion një shumë deri në 2 mijë grante në vit, që do të përfszhinte një vlerë totale prej 20 milionë eurosh, e që do të destinohej për qira dhe pajisje të nevojshme për ndërmarrësit e rinj.

-Advertisement-

Çdo vit, LVV-ja ka paraparë që 2 mijë grupe entuziastësh të rinj t’i kenë kushtet për t’i avancuar idetë e tyre.

Në planprogramin ekonomik të Vetëvendosjes, thuhet se kjo parti ka paraparë edhe krijimin e “Grantit të katërt” për komunat në vend, që do të jetë granti për investime kapitale.

Subscribe në YouTube: GAZETA INFOKUSI

Të tjera

Fokusi

lajme