Lajme

Kështu u dukën Presidentja Vjosa Osmani dhe Prindon Sadriu në premierën e filmit “Zgjoi”

Autori: Gazeta inFokus 13:49 | 23 October 2021

Presidentja e Kosovës, Vjosa Osmani dhe bashkëshorti i saj, Prindon Sadriu, kanë marrë mbrëmë pjesë në premierën e filmit “Zgjoi”, i cili është filmi i nominuar i Kosovës për “Oscar”.

Osmani kishte veshur një fustan të kaltër, derisa Sadriu një kostum që e kishte kombinuar me një papjon shumëngjyrësh.

Nder e kënaqësi e veçantë që mbrëmë së bashku me ekipin e filmit “Zgjoi”, organizuam premierën e filmit në Kosovën tonë. Kur një histori dhimbjeje, frymëzimi, sakrifice, përkushtimi, humbjeje e triumfi siç është historia e znj. Fahrije Hoti dhe e grave të Krushës vjen nën interpretimin maestral të aktorëve tanë të jashtëzakonshëm në krye me Yllka Gashin, e shfaqet në ekran me profesionalizëm nën regjinë e një regjisoreje të shkëlqyeshme si Blerta Basholli – rezultati final s’mund të ishte asgjë më pak se sa një krijimtari artistike për ta pasur zili edhe bota”, ka shkruar Osmani, derisa ka shpërndarë edhe disa fotografi nga premiera.

-Advertisement-

Subscribe në YouTube: GAZETA INFOKUSI
Etiketa:
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme