Lajme

Kështu u arrestua në Milano 19 vjeçarja nga Kosova e dyshuar për terrorizëm

Autori: Gazeta inFokus 16:03 | 17 November 2021

Një 19-vjeçare me origjinë nga Kosova u arrestua nga autoritetet italiane në mëngjesin e së mërkurës në Milano të Italisë.

Ajo dyshohet se ishte e involvuar në aktivitetet terroriste.

Policia italiane ka publikuar pamje nga momenti i arrestimit të B.T.

-Advertisement-

Hetimi nisi pas një raporti të inteligjencës në lidhje me bashkëshortin e vajzës, një kosovar 21-vjeçar me të cilin u martua janarin e kaluar, i cili kishte lidhje me sulmuesin e Vjenës, Kujtim Fejzullai.

Vajza ishte zhvendosur në Milano disa muaj më parë në shtëpinë e vëllait të saj.

Siç raportojnë mediat italiane 19-vjeçarja ishte radikalizuar qysh nga mosha 16-vjeçare.

E dyshuara për terrorizëm njihet si përkrahëse e flaktë e Shtetit Islamik, raporton Italia 24 News.

19 vjeçarja ishte në kontakt të vazhdueshëm me burrin e saj dhe me diasporën kosovare të frymëzuar nga xhihadistët.

Subscribe në YouTube: GAZETA INFOKUSI
Etiketa:

Të tjera

Fokusi

lajme