Lajme

Kështu do ti marrin pagat e dhjetorit punëtoret e sektorit publik

Autori: Doresa Geci 20:03 | 01 November 2019

Pagën e muajit dhjetor punëtoret e sektorit publik do t marrin me rritje.

Kjo pas ndryshimi të ligjit të pagës, shkruan Gazeta inFokus.
Në bazë të këtyre ndryshimeve, Presidenti në Kosovë do të ketë pagën më të lartë në vend me 2 mijë e 390 euro.

Pas kësaj pozite, pagë të lartë do të merr Kryeministri me 2 mijë e 151 euro, Kryeprokurori 1 mijë e 912 euro si dhe Gjyqtari i Gjykatës Suprem 1 mijë 852 euro, shkruan Gazeta inFokus.

-Advertisement-

E hiq më keq nuk do të kenë rrogë as profesorët të cilët punojnë në universitete publike, dhe mjekët specialist.

Sipas ligjit të ri profesori universitar do të ketë pagë 1 mijë 505 euro, ndërsa mjeku specialist do të ketë 1 mijë e 195 euro.
E mjekët e përgjithshëm pritet të marrin 836 euro, shkruan Gazeta inFokus.

Mësimdhënësit të cilët punojnë në shkolla të mesme nga dhjetori do të kenë pagën 621 euro kurse ata të cilët punojnë në shkollat fillore do të marrin 549 euro.
E zjarrfikësit do të marrin 525 euro, policët 478 euro, e rojet 322 euro.
Kujtojmë që në Kosovë, me 2 shkurt të këtij viti është miratuar ligji për paga të cilin do ta gëzojnë rreth 82 mijë punëtorë.

Por këtë nuk po e presin mirë përfaqësuesit e komunitetit të biznesit në Kosovë.
Ky ligj sipas tyre po krijon një konkurrencë të pabarabartë ndërmjet sektorit privat dhe atij publik.

Kryetari i Odes Ekonimike të Kosovës, Berat Rukqi ka thënë për Gazetën inFokus se ka disa arsye se ky ligj është i dëmshëm për sektorin privat.
“Ky ligj është në dëm të sektorit privat pasi që po krijon një konkurrencë të pabarabartë duke rritë pagën në sektorin publik faktikisht po ndikon drejtpërdrejt në performancën e sektorit privat pasi që fuqia punëtore nuk po është e atraktume për sektorin privat por me qëllimin e vetme për punësimin në sektorin publik”, ka thënë Rukqi për Gazetën inFokus.
Po ashtu ai thotë se me rritjen e pagave po rritet edhe më shumë burokracia, pra nuk po ka rritje të produktivitetit të fuqisë punëtore në sektorin publik./Gazeta inFokus

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera

Fokusi

lajme