Qytetarëve të Kosovës ende nuk u ofrohet sigurim shëndetësor publik.

Kryeministri Albin Kurti derisa flet për këtë proces të tejzgjatur zotohet se së shpejti ligji do të miratohet nga Qeveria, e më pas edhe “patjetër” do të kalojë në Kuvend.

Në ceremoninë e përurimit të Klinikës Emergjente, ku janë rinovuar hapësirat, kryeministri Kurti “zbuloi” edhe diçka “me interes për qytetarët”. Ai thotë se duhet pasur parasysh se “sigurimet shëndetësore nuk janë shkop magjik i cili do të na parandalojë sëmundjet ose do të na eliminojë ato nëse i kemi”.

Tutje, Kurti përmendi edhe kosto shtesë për qytetarët, raporton Paparaci.

“Padyshim sigurimet shëndetësore janë shumë të rëndëdishme dhe ato janë edhe zotim i yni. Ligjin për Sigurime Shëndetësore jemi duke e përgatitur, dhe nëse jo në mbledhjen e ardhshme të qeverisë e cila mbahet nesër, atëherë në mbledhjen tjeter të qeverisë do të jetë për miratim e më pastaj duhet ndjekë procedurat në Kuvendin e Kosovës. Duhet ta kemi një gjë parasysh se kur bëhen sigurimet shëndetësore, tek qytetarët do të ketë kosto shtesë, sepse nënkupton që të paguajnë paraprakisht për atë që eventuatisht mund të na ndodh më vonë.

Ndërkohë që nuk duhet harruar që për shumicën dërrmuese të shërbimeve dhe për kujdesin sëndetësor në Kosovë paguhet pak ose fare pak. Pra nuk është që sot qytetarët paguajnë tepër shumë e rrjedhimisht sigurimet shëndetësore janë ato të cilat do të na bëjnë të paguajmë më pak. Në fakt fillimisht, sidomos do të jetë e kundërta. Do të na duhet që të paguajmë njëherë në mënyrë që të mos paguajmë më vonë. Prandaj nuk duhet parë sigurimet shëndetësore si një lloj shkopi magjik i cili do të na parandalojë sëmundjet ose do të na eliminojë ato nëse i kemi.

Sipas Kurtit, buxheti për shëndetësi në Kosovë, është rritur 50 për qind krahasuar me vitin 2019.

“Mos të harrojmë që buxheti për shëndetësi në Kosovë krahasuar me vitin e parë parapandemik 2019, tash që po flasim në 2024 është 50 për qind më i lartë dhe kjo natyrisht nuk është një shumë e cila i dedikohet mjekëve, infermierëve sa i dedikohet pacientëve dhe lista e barnave esenciale nga 24 milionë euro sa e kemi gjetur si buxhet në vitin 2021, në 2024 është 60 milionë euro. Përafërsisht në Kosovë blihen rreth 120 milionë euro barna në vit. Tash gjysmën e kostos e bart shteti e gjysmën qytetari. Para tri vjetëve ka qenë 80 për qind qytetari, 20 shteti”.

Kurti i quan “radikale” ndryshimet që pretendon se janë bërë.

Ai thekson se “përgatiten gjatë në mënyrë që të ekzekutojmë shpejtë”.

“Këto janë ndryshime radikale që janë bërë. Do të bëjmë edhe sigurimet shëndetësore, por ne planifikojmë shumë, përgatitemi gjatë në mënyrë që të ekzekutojmë shpejtë. Në të kaluarën pa pasur pak përgatitje e planifikim e stërzgjatje e zvarritje të ekzekutimit. Sivjet do ta kemi patjetër edhe të kaluar në Kuvendin e Kosovës sigurimet shëndetësore”.

Keiretsu Forum Southeast Europe dhe BKT Kosova, një bashkëpunim i guximshëm për herë të parë në llojin e tij, në…

Sponsoruar