Lajme

Këshilltarja e Albin Kurtit shpall fitoren në Preshevë, këshilltari i Besnik Bislimit dështon të fitojë Bujanocin

Autori: Gazeta inFokus 10:21 | 03 June 2024

Përkrahja e kryeministrit të Kosovës, Albin Kurti për dy kandidatët në Luginë, Ragmi Muastafi dhe Ardita Sinani si duket pati ndikim vetëm për këtë të fundit, e cila njëkohësisht është edhe këshilltare e kryeministrit.

Ardita Sinani, dje ka shpallur fitoren e saj në garën për kryetare të Preshevës, shkruan Gazeta Infokus.

Ajo ka falenderuar qytetarët për besimin derisa ka uruar Preshevën për fitoren e saj.

-Advertisement-

“Faleminderit Preshevë që na besuat dhe u bashkuat të gjithë me mendje dhe zemër për Komunën tonë. Urime Preshevë”, ka thënë Sinani.

Ndërsa këshilltari i zëvendës kryeministrit të Kosovës, Besnik Bislimit, Ragmi Mustafi ka pranuar humbjen në qytetin e Bujanocit.

“Të dashur miq, zgjedhjet mbaruan dhe, për fat të keq, këtë herë nuk arritëm të fitojmë.  Megjithatë, jam shumë krenarë për punën dhe përkushtimin që keni treguar gjatë gjithë fushatës. Faleminderit secilit prej jush për mbështetjen e palodhur, për besimin dhe përkushtimin. Ky nuk është fundi. Kontributi për idealet dhe aspiratat tona nuk mbaron. Faleminderit nga zemra për çdo përpjekje dhe mbështetje!”, ka thënë këshilltari i Bislimit pasi humbi garën në Bujanoc nga kundërkandidati, Arbër Pajaziti nga Fronti për Ndryshim.

Arbër Pajaziti shpall fitoren në Bujanoc, falënderon votuesit

Tre ditë para zgjedhjeve për Sinanin dhe Mustafin u mbajt një tubim madhështor në Prishtinë ku mori pjesë edhe kryeministri Kurti për të cilin pati reagime e kritika të shumta.

Ai u akuzua se po përçan shqiptarët në Preshevë duke përkrahur vetëm dy kanididatë nga një parti, të cilët njëkohësisht janë edhe këshilltarë në kabinetin qeveritar.

Arsyetimi i Kurtit pse mori pjesë në tubimin e këshilltares së tij.

Zgjedhjet në Preshevë u mbajtën të dielën me dy qershor ku garuan 6 parti shqiptare dhe një koalicion në mes të dy partive serbe./Gazeta Infokus/

 

Subscribe në YouTube: GAZETA INFOKUSI
Etiketa:
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme