Lajme

Këshilltari i Zelenskyt kritikon Gjermaninë për furnizimin me armë

Autori: Gazeta inFokus 17:05 | 13 September 2022

Pasi ministri i jashtëm i Ukrainës akuzoi Gjermaninë se i shpërfilli lutjet e tyre për armë, një nga këshilltarët e Zelenskyy, Mykhailo Podolyak, gjithashtu nuk i ka kursyer kritikat për Gjermaninë.

Në Twitter, Podolyak tha: “Për gjashtë muaj aleatët kanë debatuar se kush do t’i shesë tanke Ukrainës. Nuk ka tanke për gjashtë muaj sepse nuk ka ‘zgjidhje politike’. Rusia vazhdon terrorin e saj, njerëzit vdesin, koha humbet. Gjermani, ne presim fjalën tuaj.”

Gjatë fundjavës, ministrja e jashtme gjermane Annalena Baerbock premtoi ndihmë të mëtejshme ushtarake dhe nuk përjashtoi dorëzimin e tankeve kryesore të betejës të stilit perëndimor, duke shtuar se “javët dhe muajt e ardhshëm do të jenë vendimtare” për Ukrainën.

Të tjera