Lajme

Këshilltari i Kurtit, i flet serbisht Avdullah Hotit: Razumeš?

Autori: Gazeta inFokus 13:24 | 06 August 2022

Hysamedin Feraj, ka shkruar në Facebook se dje Avdullah Hoti ka kënaqur siç shkruan ai “titistët” dhe “rankoviçistët” dhe madje sipas tij iu ka dhënë rast sulmi kundër “enveristëve” si rasti i tij.

“Avdullah Hoti, dje i paske kënaqur titistët, dhe sidomos rankoviçistët duke iu dhënë rast sulmi kundër “enveristëve” të Kosovës, si puna ime e atëhershme, pse kërkonim pavarësi nga Jugosllavia dhe bashkim me Shqipërinë. Si në kohët e vjetra, apo jo Abdullah?

Ke të drejtë, sepse kanë nevojë për ngushëllim: gjysma e projektit tim është realizuar – rënia e RSFJ-së dhe Pavarësia e Kosovës.
Shpejt do të realizohet edhe gjysma tjetër”, ka shkruar Feraj.

Tutje ai e ka pyetur Hotin se mbi çfarë ideologjie kombëtare drejtohej “enverizmi” në Shqipëri?Në fund, ai pyet Hotin në gjuhën serbe, “a po kupton” ose razumeš?.

Postimi i plotë:Avdullah Hoti, dje i paske kënaqur titistët, dhe sidomos rankoviçistët duke iu dhënë rast sulmi kundër “enveristëve” të Kosovës, si puna ime e atëhershme, pse kërkonim pavarësi nga Jugosllavia dhe bashkim me Shqipërinë. Si në kohët e vjetra, apo jo Abdullah?

Ke të drejtë, sepse kanë nevojë për ngushëllim: gjysma e projektit tim është realizuar – rënia e RSFJ-së dhe Pavarësia e Kosovës.

Shpejt do të realizohet edhe gjysma tjetër.Projekti i tyre ka dështuar, i imi ka fituar! Madje edhe përkundër politikës së Enver Hoxhës.

Apo ky i fundit ka pasur për ideologji nacionalizmin shqiptar dhe për ide drejtuese bashkimit tonë kombëtar? So thua, Avdullah, si akademik? Razumeš?

Të tjera

Fokusi

lajme