Lajme

Këshilltari i Haradinajt: Qeveria të shkoi në shpi nëse opozita i ka votat

Autori: Gazeta inFokus 18:58 | 10 Nëntor 2018

Avni Arifi, Këshilltar i Kryeministrit të vendit, Ramush Haradinaj është deklaruar rreth gatishmërisë së Listës Serbe për t’i ofruar dhjetë votat e tyre për rrëzimin e Qeverisë .

Arifi ka thënë se nëse Kuvendi i Kosovës i ka 61 vota, atëherë kjo qeveri të shkojë në shtëpi.

“Ani çka në demokraci ne jetojmë le të rrëzohet, nëse kjo qeveri, nëse Kuvendi i Kosovës i ka 61 vota, nëse e votojnë këtë qeveri me shku në shtëpi, kjo duhet të shkojë në shtëpi”, ka thënë Arifi për T7.

-Advertisement-

Ndër tjera Arifi ka thënë se kushdo që nuk është i kënaqur me këtë koalicion është i lirë të zgjedh.

“Koalicionet krijohen në bazë të interesave partiake, ne kemi kriju koalicion jo vetëm me ta, por edhe me partnerë tjerë, kushdo që nuk është i kënaqur me këtë koalicion, është i lirë të bëj zgjidhje të tjera”, ka thënë Arifi.

Për rrëzim të Qeverisë është deklaruar sot për Klan Kosovën nga Parisi presidenti Hashim Thaçi. Ai ka thënë se nëse qeveria nuk është funksionale, atëherë duhet të vijë një tjetër.

Lista Serbe me anë të një komunikate ka ofruar 10 votat e deputetëve të saj për ta rrezuar qeverinë, pjesë e së cilës është edhe vetë.

Në komunikatën e Listës Serbe, ku flitet se do të mbështesë përpjekjet për rrëzimin e Qeverisë, ndër të tjera thuhet edhe se “serbët e Kosovës nuk mund dhe nuk duan të jenë peng i përfaqësuesve të papërgjegjshëm shqiptarë dhe luftës demagogjike dhe kapriçioze për mbijetesën e tyre politike”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy