Lajme

Këshilli i Prindërve kërkon pezullimin e testeve të arritshmërisë dhe të maturës

Autori: Gazeta inFokus 08:22 | 05 Korrik 2023

Këshilli i Prindërve i Kosovës ka shprehur indinjatë ndaj mbajtjes së Testit të Arritshmërisë, duke e quajtur të “keqprojektuar, keqmenaxhuar dhe ku kopjimi është sinonimi për të”.

Këshilli ka thënë se Testi i Arritshmërisë dhe i maturës duhet të pezullohen dhe ka paralajmëruar se vitin e ardhshëm do të ketë organizim për bojkotimin e tyre.

“Ndërsa i gjithë sistemi arsimor i Kosovës e çoi dëm edhe një vit për t’i shërbyer mbi 300 mijë fëmijëve, testi i maturës dhe arritshmërisë vazhdojnë bindshëm të jenë aktet më të kota, më të pavlera e më të dëmshme për fëmijët tanë. Ato teste janë shembuj konkret se si nuk duhen bërë projekte të tilla. Janë dëshmia e vendimeve dhe veprimeve pa përdorur rezonin e arsyes shkak-pasojë. Janë ‘paushalli’ i politikbërjes për arsimin që po vazhdon në Kosovë”, thuhet në reagimin e këshillit.

-Advertisement-

Tutje ka shprehur indinjatë edhe ndaj sistemit arsimor, për të cilin Këshilli i Prindërve ka thënë se po rrënon shpresën e prindërve për të rritur fëmijët në vendin e vet.

“Ky sistem arsimor është edhe i skaduar e edhe i dëmshëm (në tërësinë e tij)! Duhet një plan kombëtar, me pajtim të të gjitha palëve, për ta ringjallur, përditësuar dhe reformuar në palcë sistemin arsimor parauniversitar në Kosovë”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy