Lajme

Këshilli i Prindërve ‘kërcënon’ SBASHK-un / Greva anti – kushtetuese

Autori: Gazeta inFokus 15:26 | 16 September 2022

Këshilli i Prindërve të Kosovës ka thënë se greva në arsim është e kundërligjshme, madje ata e kanë quajtur edhe antikushtetuese, raporton Gazeta Blic.Sipas tyre mësimi është e drejt e garantuar me Kushtetutën e Kosovës.

Këshilli i Prindërve thotë se mbi 300 mijë fëmijëve nxënës dhe mbi 600 mijë prindërve po ju shkelet e drejta me grevën në arsimReagimi i plotë:

E drejta për arsim e fëmijëve po shkelet rëndë

-Advertisement-

Pse po themi vazhdimisht që greva e plotë në sistemin arsimor parauniversitar është e kundërligjshme?Ngase Kushtetuta është në krye të piramidës së legjislacionit, më pas vijnë ligjet e veçanta dhe tutje janë ligjet që i rregullojnë çështjet e përgjithshme.

Në Kushtetutën e Republikës së Kosovës thuhet?Neni 47 [E Drejta për Arsimin]

1. Secili person gëzon të drejtën e shkollimit themelor pa pagesë. Shkollimi i detyrueshëm rregullohen me ligj dhe financohet nga fondet publike.

Në Ligjin Nr. 04/L-032 – Për Arsimin Parauniversitar në Republikën e Kosovës thuhet:

Neni 3 Parimet e përgjithshme të arsimit parauniversitar1. Asnjë personi nuk guxon t’i mohohet e drejta për arsimim.

2. Arsimi parauniversitar është përgjegjësi e përbashkët e prindërve, institucioneve arsimore dhe aftësuese, komunave dhe qeverisë, sipas funksioneve dhe detyrave përkatëse të përcaktuara në këtë ligj.

Në hierarkinë e legjislacionit, ligji për grevat qëndron nën këto dy ligje.

Pra, ajo që po ndodh në Kosovë prej shumë vjetësh, në sy të institucioneve: Presidencës së Kosovës, Kuvendit të Kosovës, Qeverisë së Kosovës, Gjykatës Kushtetuese dhe Avokatit të Popullit, është që Ligji i Grevave po i tejkalon dhe mbizotëron edhe Kushtetutën e Republikës së Kosovës edhe Ligjin për Arsimin Parauniversitar.

E papranueshme, e pakuptueshme dhe shumë e dëmshme!Këto janë shkelje shumë të rënda për të mos u dukur e mos u evidentuar.

Mbi 300 mijë fëmijëve nxënës dhe mbi 600 mijë prindërve po ju shkelet e drejta me grevën në arsim!Kushtetuta dhe ligjet nuk flasin e as nuk bërtasin kur shkelen.

Njerëzit zyrtarë po, e kanë për obligim.
Thirrini ndërgjegjes dhe përgjegjësisë!

Subscribe në YouTube: GAZETA INFOKUSI

Të tjera

Fokusi

lajme