KESCO thotë se do t’i faturojë qytetarët me tarifat para shtrenjtimit
![](https://gazetainfokus.com/wp-content/uploads/2022/06/KESCO-778x460.jpg)
Autori: Gazeta inFokus
14:50 | 16 June 2022
KESCO ka njoftuar se do të aplikojë te konsumatorët tarifat që kanë qenë para shtrenjtimit të energjisë, deri në një vendim të Zyrës së Rregulltorit për Energji. Komunikata e KESCO’s vjen disa minuta pasi Gjykata Supreme anuloi vendimin e Apelit dhe Themelores për tarifat e shtrenjta, vendim për të cilin duket se s’është në dijeni.
Këtë vendim KESCO ka thënë se e ka marrë edhe pse ende s’ka pranuar përgjigje nga ZRRE për propozimin.
“Duke mos pranuar ende përgjigje dhe udhëzimet e nevojshme nga Rregullatori, dhe në anën tjetër duke qenë në prag të leximit të shpenzimeve dhe faturimit, KESCO e gjendur para një situate jo të lehtë, deri në vendimin e ardhshëm të ZRrE-së, ka vendosur që të aplikojë tarifat paraprake, pra tarifat që ishin në fuqi para datës 8 shkurt. Duke shpresuar që kjo situatë e vështirësuar do të gjejë zgjidhjen më të mirë, ne sigurojmë konsumatorët se nuk do të dëmtohen asesi nga ky proces dhe varësisht nga vendimi final që do të pranojmë nga ZRrE-ja, si institucion përgjegjës, KESCO do të zbatojë të gjitha përshtatjet e nevojshme”, thuhet në komunikatë.
Ndryshe, Gjykata Supreme e Republikës së Kosovës ka aprovuar kërkesën e Zyrës së Rregullatorit për Energji ZRRE për rishqyrtim të jashtëzakonshëm të vendimit gjyqësor dhe ka marrë vendim që të ndryshojë vendimet e Gjykatës së Apelit dhe atë të Gjykatës Themelore, duke e konsideruar kërkesën e PDK-së për shtyrje të vendimit të ekzekutimit të vendimit për tarifat e reja të energjisë si të pa bazuar.
“Aprovohet si e bazuar kërkesa për rishqyrtim të jashtëzakonshëm të vendimit gjyqësor, e parashtruar nga i padituri Zyra e Rregullatorit për Energji (ZRRE), kundër aktvendimit të Gjykatës së Apelit-Departamenti për Çështje Administrative në Prishtinë, A.A. nr. 364/2022 të datës 17. 05. 2022.Ndryshohet aktvendimi i Gjykatës së Apelit-Departamenti për Çështje Administrative në Prishtinë, A.A. nr. 364/2022 i datës 17.05.2022 dhe aktvendimi i Gjykatës Themelore në Prishtinë-Departamenti për Çështje Administrative A. Nr. 656/22 i datës 08.04. 2022, ashtu që refuzohet si e pa bazuar kërkesa-propozimi i paditësit Partia Demokratike e Kosovës për shtyrjen e ekzekutimit të Vendimit të paditurit Zyra e Rregullatorit për Energji, me nr. prot. 077/2022 të datës 16.02.2022, deri në vendosjen sipas padisë me vendim përfundimtar në procedurë gjyqësore”, thuhet në vendimin e Gjykatës Supreme, raporton Gazeta Express.
Komunikata e plotë e KESCO:
KESCO njofton se ditëve në vijim do të fillojë procesi i leximit të shpenzimeve dhe dërgimi i faturave te konsumatorët. Për të qartësuar situatën e krijuar pas vendimit të Gjykatës së Apelit, përkatësisht vendimit të Rregullatorit të datës 20 maj për pezullimin e tarifave të datës 8 shkurt 2022, KESCO ka kërkuar sqarime shtesë nga ZRrE-ja lidhur me interpretimin e vendimit për shtyrjen e ekzekutimit të vendimit të ZRrE-së për Tarifat e Energjisë Elektrike të marrë më 8 shkurt 2022, si dhe ka kërkuar udhëzime se cilat tarifa janë në fuqi, përkatësisht si të vazhdohet me procesin e leximit të njehsorëve dhe faturimin e konsumatorëve.
Për të shmangur këtë situatë që ndërlidhet drejtpërsëdrejti me sigurinë e furnizimit me energji elektrike në vend, dhe deri në vendimin e ardhshëm të ZRrE-së si institucioni përgjegjës për aprovimin e tarifave fundore, KESCO i ka propozuar ZRrE-së që të aplikohet vendimi paraprak i ZRrE-së, përkatësisht i datës 27 tetor për tarifat e energjisë elektrike që ishin të aplikueshme deri më datën 8 shkurt 2022.
Duke mos pranuar ende përgjigje dhe udhëzimet e nevojshme nga Rregullatori, dhe në anën tjetër duke qenë në prag të leximit të shpenzimeve dhe faturimit, KESCO e gjendur para një situate jo të lehtë, deri në vendimin e ardhshëm të ZRrE-së, ka vendosur që të aplikojë tarifat paraprake, pra tarifat që ishin në fuqi para datës 8 shkurt.
Duke shpresuar që kjo situatë e vështirësuar do të gjejë zgjidhjen më të mirë, ne sigurojmë konsumatorët se nuk do të dëmtohen asesi nga ky proces dhe varësisht nga vendimi final që do të pranojmë nga ZRrE-ja, si institucion përgjegjës, KESCO do të zbatojë të gjitha përshtatjet e nevojshme.
Ne mbetemi të përkushtuar për të bërë më të mirën për konsumatorët tanë edhe në këtë kohë të vështirë. Por, vendimet për të vepruar u takojnë institucioneve kompetente.
![](https://gazetainfokus.com/wp-content/uploads/2023/11/artikull-1.png)
Të tjera
-
Një person gjendet pa shenja jete në një veturë në Sllatinë
Një person është gjetur pa shenja jete brenda një veture në Sllatinë. Zëdh...
-
“83% e viktimave ishin të paautorizuar për të kryer haxhin”, Arabia Saudite: Numri i vdẹkjeve arriti në 1,301
Arabia Saudite tha të dielën se më shumë se 1,300 njerëz vdiqën në pelegrinaz...
-
Breshri shkakton dëme të mëdha bujqësore në Komunën e Obiliqit
Moti i ligë dhe me shi gjatë ditës së diel ka shkaktuar dëme në komunën e Obi...
-
U aksidentua para disa javësh me motoçikletë, vdẹs zyrtari policor
Ka vdekur zyrtari policor D.O, i cili ishte aksidentuar me motoçikletë para d...
-
Bajqinovci ironizon me Ramën pas vërshimeve në Prishtinë: Ja paska ndërruar destinacionin liqenit
Pas reshjeve të shumta të shiut mbrëmë në Prishtinë u bllokuan shumë rrugë, p...
-
Mblidhet Kryesia e Kuvendit, caktohet seanca e ardhme plenare
Kryesia e Kuvendit të Kosovës mblidhet sot në mbledhje të rregullt, për të pë...
-
Sot dita e fundit për rekrutimin e kadetëve të rinj
Sot është dita e fundit për rekrutimin e kadetëve të rinj. Kështu është bërë ...
-
Presidentja Osmani krenare me arritjen e vajzave dhe djemve të FSK-së
Presidentja e Kosovës, Vjosa Osmani, është shprehur krenare me arritjen e vaj...
-
Parlamenti spanjoll nesër debaton propozimin për njohjen e Kosovës
Grupi parlamentar i partisë katalunase ‘Junts’ ka paraqitur një nismë për t’i...
-
Shtiu me ạrmë në aheng familjar, një personi në Mitrovicë i sekuestrohet pistoletạ
Është arrestuar një person pasi dyshohet se ka shtënë me armë zjarri në një a...
-
Sizmologu Mustafa: Prishtina i vetmi vend në botë që vërshohet pa lumë
Sizmologu Shemsi Mustafa, e ka kritikuar pushtetin lokal në Prishtinë lidhur ...
-
Gara për zgjedhjet presidenciale/ Çfarë pritet prej debatit Biden-Trump?
Dy kandidatët më të moshuar ndonjëherë në garën për zgjedhjet presidenciale t...