Shëndetësi

Kërpudhat e zeza super ngjitëse një kërcënim urgjent në SHBA, kanë një shkallë vdekshmërie 60%

Autori: Gazeta inFokus 10:15 | 21 March 2023

Kolegji Amerikan i Mjekëve (ACAP) ka lëshuar një paralajmërim për rritjen e një kërpudhe vdekjeprurëse rezistente ndaj antibiotikëve.

Rastet e Candida auris, e njohur më mirë si C auris, janë rritur me shpejtësi gjatë muajve të fundit, gjë që ka ngjallur frikën për një tjetër sëmundje vrasëse.

Qendrat për Kontrollin dhe Parandalimin e Sëmundjeve (CDC) e kishin përshkruar tashmë si një “kërcënim urgjent” në vitin 2019, por statistikat tregojnë se numrat janë rritur gjatë katër viteve të fundit.

Hulumtimi i ri nga CDC ka zbuluar se numrat e rasteve janë trefishuar më shumë në SHBA midis 2020 dhe 2021, me shtamet rezistente ndaj antibiotikëve duke u bërë më të shpeshta. Kërpudhat mendohet se kanë një shkallë vdekjeje prej 60 për qind tek njerëzit që infektohen.

Studimi i fundit shqyrtoi numrin e rasteve të konfirmuara dhe të mundshme që u raportuan në institucionet shëndetësore shtetërore dhe lokale midis 2016 dhe 2021.

Infeksionet fungale shkaktuan 7,000 vdekje në SHBA në vitin 2021, sipas CDC, me 1.5 milion vdekje në mbarë botën. Është sugjeruar nga disa ekspertë se kjo është për shkak të ndryshimit të klimës e cila është ideale për kërpudhat. Ilaçi antifungal echinocandin është linja e parë e terapisë që jepet për trajtimin e C auris.