Fun & Video

Kërkonte “Pokemon”… dënohet me 3 vite burg

Autori: Gazeta inFokus 14:19 | 12 May 2017

Një bloger rus është dënuar me tre vjet e gjysmë burg pasi postoi një video në të cilën dukej ai teksa luante “Pokemon Go” në një kishë.

Gjykata në qytetin e Jekaterinburgut, e shpalli Ruslan Sokolovski fajtor për fyerje të besimtarëve fetarë dhe nxitje të urrejtjes. Gjatë gjykimit, Sokolovski, tani 22 vjeç, u deklarua i pafajshëm.

Ai kishte filmuar veten teksa luante lojën popullore në kishën ortodokse lokale në gusht 2016 dhe menjëherë më pas u arrestua. Ai u shpall po ashtu fajtor nga gjykata edhe për trafik të paligjshëm të pajisjeve teknike speciale pasi një stilolaps në të cilin ishte instaluar një kamera ishte zbuluar gjatë kontrolleve në shtëpinë e tij.

-Advertisement-

Videoja nga kisha e ndërtuar në nder të car Nikolla-s dhe familjes së tij, ishte postuar nga Sokolovski në gusht 2016, duke tërhequr vëmendjen e shumë shikuesve.

Ajo ishte publikuar pas paralajmërimeve se luajtja e lojërave të tilla në kishë mund të kishte pasoja ligjore. Në video, Sokolovski, pak para se të hynte në kishë, dëgjohet të thotë se rreziku i arrestimit për atë që po bënte ishte i pakuptimtë.

“Kush mund të ofendohet nëse ti hyn në një kishë me telefon në duar…”, thotë ai. “Pokemon Go”, është një lojë “reality për smartphone”, që përdor GPS. Lojtarët, e luajnë atë duke u endur në vende reale për të kapur monstrat e vegjël virtual si Pikachu dhe Jiglipuf në vende afër lokacionit të telefonit të tyre dhe i trajnojnë për të luftuar njëri tjetrin.

Monstrat kanë qenë popullorë në vitet 90 kur edhe u shfaqën në një lojë Nintendo për djem. Por, ndërsa e luan këtë lojë, mund të ndodhin edhe gjëra të çuditshme. Në Shtetet e Bashkuara, një grua, gjeti një trup të pajetë ndërsa po kërkonte për një Pokemon në një lumë afër shtëpisë së saj.

Katër persona ndërkohë ishin arrestuar në misuri pasi kishin përdorur lojën për të tërhequr të apasionuarit në vende të izoluara ku më pas i kishin grabitur nën kërcënimin e armëve.

Ndërkohë ka pasur një pafundësi raportesh për njerëz që rrëzohen dhe lëndohen pasi humbasin totalisht në lojë pa i kushtuar vëmendje asaj që kanë përpara…

Subscribe në YouTube: GAZETA INFOKUSI
Etiketa:

Të tjera

Fokusi

fun-video