Lajme

Kërkohet kandidimi i Lutfi Hazirit për Kryeministër të Kosovës! (FOTO)

Autori: Gazeta inFokus 15:00 | 13 May 2017

Pas shkarkimit të Qeverisë së drejtuar nga Kryeministri në largim dhe njëherit kreu i LDK-së Isa Mustafa, simpatizantë të kësaj partie kanë nisur thirrjet për një kandidat tjetër LDK-së për Kryeministër të vendit.

Një numër i konsiderueshëm i mbështetësve të LDK-së nga Gjilani, janë duke i dhënë mbështetje të parit të kësaj komune dhe njëherit nënkryetarit të LDK-së, Lutfi Haziri, raporton GazetaBlic.com

Këta përkrahës të LDK-së, kanë nisur thirrjet në profilet e tyre në rrjetin social Facebook për Hazirin Kryeministër.

-Advertisement-

“#MeLutenKryeminister”, është hashtagu që e kanë përdorur disa simpatizantë të LDK-së.

Ndryshe vlenë të theksohet, se pas rënies së Qeverisë janë drejtuar shumë akuza ndaj liderit të kësaj partie Isa Mustafa për mos udhëheqje të mirë të partisë nga zyrtarë të LDK-së e njohës të zhvillimeve politike.

Rrëzimi i Qeverisë “Mustafa” u bë përmes mocionit të mosbesimit, i ngritur nga partitë opozitare dhe i mbështur nga PDK-ja. Më 78 vota pro mocionit u bë i mundur rrëzimi i qeverisë.

Presidenti i Kosovës Hashim Thaçi, ka caktuar 11 qershorin datën e zgjedhjeve të parakohshme të vendit.

Subscribe në YouTube: GAZETA INFOKUSI