Ditëve të fundit, një skandal në Policinë e Kosovës u bë publik.

Kjo fillimisht pasi Inspektorati Policor i Kosovës arrestoi disa hetues të lartë të Krimeve Ekonomike të rajonit të Prishtinës, të dyshuar për ryshfet e keqpërdorim të detyrës zyrtare, shkruan gazeta inFokus.

E një ditë pas kësaj, vet Policia e Kosovës arrestoi për të njëjtin rast një zyrtar të Ministrisë së Punëve të Brendshme.

-Advertisement-

Krejt kjo ngjarje ka bërë që tash të kërkohet edhe dorëheqja e drejtorit të Policisë së Kosovës, Rashit Qalajt.

Kjo edhe pas raportimeve se me ndihmën e Qalajt, shteti i Shqipërisë mori gazin lotësjellës nga Kosova dhe e përdori në protestat e opozitës atje, pavarësisht se një gjë e tillë është e jashtëligjshme.

“IKSN, përkatësisht drejtoria për siguri, është duke përcjellë me kujdes zhvillimet e fundit në fushën e sigurisë e sidomos ata ne punën policisë së Kosovës”, ka thënë për Gazetën inFokus, Bedri Elezi, nga Instituti i Kosovës për Studime Ndërkombëtare.

“Ne si IKSN, mendojmë se pas zhvillimeve të fundit të drejtorisë për krime  ekonomike, ku janë arrestuar 5 zyrtarë nën dyshim për keqpërdorim të detyrës zyrtare si dhe përfshirjes së policisë së  Kosovës së Kosovës në shitjen gazit lotsjellës me policisë shqiptare, drejtori i Policisë së Kosovës Rasishit Qalaj duhet  te jap dorëheqje, dhe kështu ti hap rrugë reformave ne polici”, ka thënë Elezi.

Në intervistë për gazetën inFokus, Elezi gjithashtu ka përmendur se veç gjatë vitit 2019 kishte 41 polic të arrestuar, e që është shifra më e madhe në rajon e Evropë.

“Vetëm në vitin 2019 kemi pasur 41 arrestime të zyrtarëve policor, shifër e cila është më e madhja në rajon dhe Evropë, ky fakt tregon se ka dyshime të bazuara se policia e Kosovës, mund të jetë thellë e inkriminuar në krime”.

E tash që në pushtet erdhi Vetëvendosje, kjo në programin e saj qeverisës me LDK-në kanë premtuar edhe procesin e vetingut për institucionet e sigurisë e drejtësisë në Kosovë, shkruan gazeta inFokus.

Që kjo të ndodhë, Elezi thotë që duhet të dorëhiqen edhe drejtori i Agjencisë Kosovare për Inteligjencë, Kreshnik Gashi, e Inspektorit të Përgjithshëm, Burim Ramadanit.

Kjo pasi këta u emëruan nga Presidenti i Kosovës, Hashim Thaçi e ish-kryeministri Ramush Haradianaj pasi ky i fundit kishte dhënë dorëheqje, shkruan gazeta inFokus.

“Po ashtu ne si IKSN mendojmë se edhe drejtori  dhe Inspektori i përgjithshëm i AKI- së të japin dorëheqje, ngase dihet  se janë emëruar  në kundërshtim me ligjin për AKI-në, e kështu të krijohet  mundësia për fillimin e vetingut në gjitha institucionet e zbatimit te ligjit”, ka thënë Elezi

“Proceseve integruese në BE, duhet të ju paraprijnë reformat në fushën e sigurisë, si garancë e funksionalizimit të këtyre proceseve. IKSN mendon  se edhe partneret ndërkombëtarë sidomos ShBA, janë shumë të interesuar për këto ndryshime, kështu të kthehet  besimi  se edhe në Kosovë mund te kemi  një të ardhme  të sigurt, garanci e cila mund të ndaloj eksodin e fuqisë punëtore. Siguria e cenuar nga institucionet e zbatimit të ligjit, ka krijuar edhe pasigurine ekonomike e cila është sfida kryesore e Kosovës për 5 vitet e ardhshme”./Gazeta inFokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-