Lajme

Kërkohet bazë ligjore për konfiskim të pasurisë së pashpjegueshme

Autori: Gazeta inFokus 09:30 | 20 September 2017

Pas fillimit të punës së Ministrisë së Drejtësisë për ndryshimin e legjislacionit që ndërlidhet me konfiskimin e pasurisë së paligjshme, shoqëria civile ka kërkuar që të merret parasysh baza ligjore e cila mundëson konfiskimin e pasurisë së pashpjegueshme.

Drejtori i organizatës “Çohu”, Arton Demhasaj, ka thënë për gazetën “Epoka e re” se projektligji i ri duhet të ketë edhe fuqi retroaktive.

Ndërsa ish-drejtori i Agjencisë Kundër Korrupsionit, Hasan Preteni, ka treguar për masat e tjera që Qeveria e re duhet t’i ndërmarrë për të qenë e efektshme në luftimin e krimit dhe korrupsionit. “Deri më tani ne kemi bazë ligjore që merret me konfiskim të pasurisë që është derivat i veprave penale, por nuk kemi bazë ligjore e cila rregullon konfiskimin e pasurive të pashpjegueshme. Në kuadër të këtyre ndryshimeve ka nevojë të krijohet një bazë e re ligjore për këtë çështje. Nëse pas nxjerrjes së këtij ligji thuhet se ai hynë në fuqi prej atij momenti, atëherë kjo është e padrejtë, sepse do të amnistohet pasurimi i njerëzve për 18 vjet. Në asnjë mënyrë nuk bën të amnistohet kjo. Ky ligj duhet të ketë edhe fuqi retroaktive, në mënyrë që të shqyrtohet edhe pasuria e atyre që deri më tani janë pasuruar”, ka thënë Demhasaj.

-Advertisement-

Subscribe në YouTube: GAZETA INFOKUSI
Etiketa:
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme