Kërkohen opsione për zgjidhjen e krizës në veri
Autori: Gazeta inFokus 20:20 | 04 June 2023
Situata në veri edhe të dielën ka qenë e qetë, porse disa qytetarë sërish janë mbledhur para objektit të komunës në Zveçan. E, për situatën atje, ish-përfaqësuesi i BE-së në Kosovë, Pieter Feith, ka kërkuar nga Kurti që të dalë me një iniciativë të veten për veriun. Derisa, presidenti serb ka treguar se ka presione të mëdha për Kosovën.
As ditët e pushimi, nuk i kanë ndalë disa qytetarë serbë që të dalin para objektit të komunës në Zveçan, për të protestuar kundër kryetarit të ri, Lulëzim Hetemi.
Mirëpo, situata ka qenë e qetë edhe të dielën, derisa pjesëtarët e KFOR-it dhe Policisë së Kosovës kanë qenë përreth objektit të komunës.
E për zgjidhjen e krizës në atë pjesë, përfaqësues ndërkombëtar po kërkojnë nga lidershipi kosovar që të ofrojnë propozime.
Ish-përfaqësuesi Civil Ndërkombëtar për Kosovën, Pieter Feith, i ka kërkuar kryeministrit të Kosovës Albin Kurti, që të dalë me një iniciativë të vetën politike për zgjidhjen e situatës në veri.
Feith tha për Euronews Albania se tërheqja e përkohshme e policisë së Kosovës nga veriu do të ndihmonte në shtensionimin e situatës.
“Kurti të dalë me një iniciativë të vetën për veriun. Jam i sigurt që bota do ta mbështesë. Të hiqet përkohësisht prania e policisë së Kosovës nga veriu. Kjo do të ndihmojë në uljen e tensionit dhe do të shihet si vullnet i veprimit të mirë nga ana e Kosovë. Por gjëja më e rëndësishme në këtë moment është që Kurti të dalë përpara me një veprim të vetin politik”, tha Pieter Feuith.
Ndërkohë, gjatë së dielës, presidenti serb Aleksandar Vuçiq, ka thënë se ka presione të mëdha rreth Kosovës.
“Serbia ndodhet në një situatë të vështirë gjeopolitike, këto presione janë të mëdha rreth Kosovës dhe do të vazhdojnë. Disa të huaj nuk po e rrëzojnë Serbinë për shkak të Vuçiqit, por po e rrëzojnë një pjesë të Vuçiqit për shkak të Serbisë. Për ta është e rëndësishme që Serbia të jetë sa më e dobët. Duhet të punojmë që Serbia të jetë më e fortë”, deklaroi Vuçiq.
Presioni i faktorit ndërkombëtar vazhdon të jetë i madh përe Kosovën që t’i tërheq forcat policore nga objektet komunale në veri dhe të gjendet një zgjidhje për uljen e tensioneve në atë pjesë.
Mirëpo, kryeministri Albin Kurti, vazhdon të këmbëngulë se tërheqja e policisë nga objektet komunale do të bëhet pasi kriminelët serbë të depërtohen në Beograd ose të arrestohen në Kosovë.
Të tjera
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...
-
Të shtëna me armé në një lokal në magjistralen Prishtinë – Ferizaj
Policia e Kosovës ka arrestuar dy persona pasi njëri prejt tyre ka shtënë me ...
-
Mërgimtarët dërguan 112 milionë euro në Kosovë gjatë muajit mars
Mbi 112 milionë euro është vlera e dërgesave të mërgatës që janë sjellë në Re...
-
Shtatë raste të dhünës në familje në 24 orët e fundit në Kosovë
Shtatë raste të dhunës në familje janë raportuar në 24 orët e fundit në Kosov...
-
Përmbytjet vdekjeprurëse të Dubait, shkencëtarët bëjnë zbulimin e frishkëm! Një nga shkaktarët kryesor të kësaj katastrofe është…
Shiu rekord që ra mbi Emiratet e Bashkuara Arabe dhe Oman këtë muaj, duke shk...
-
Çitaku: Vetëvendosje në zgjedhjet e ardhshme do të jetë në opozitë
Sekretarja e përgjithshme e PDK-së, Vlora Çitaku tha se subjekti politik ku ...
-
Nju Jork, mbyllet dita e tretë e dëshmive në gjyqin penal ndaj Trump
David Pecker, ish botues i tabloidit ‘National Enquirer’, dëshmoi të enjten n...