Është dashur shumë kohë që ajo të arrijë në këtë vend, por duket e drejtë që më në fund Ava Max të quhet një yll i pop-it, shkruan Forbes.

Singli debutues i këngëtares “Sweet but Psycho” ishte një hit surprizë në të gjithë botën më 2018 dhe 2019, kur arriti në top 10 në dhjetëra territore.

Max e pasoi atë me një mori këngësh që nuk arritën pikat e njëjta, por përsëritën përsëri suksesin e saj pasi albumi i saj debutues Heaven & Hell u lëshua në shtator të vitit 2020.

Një tjetër këngë, “Kings & Queens”, vazhdoi të tërhiqte vëmendjen e botës, duke u bërë një hit i pop-it edhe më i madh në disa nga top-listat e Billboard.

Këngëtarja ka folur për suksesin dhe strategjinë e saj, natyrisht edhe për përplasjen me burrat në këngë.

Duke folur për ndjesinë e suksesit të këngëve të saj, Ava tha se pas asaj që arriti “Sweet but Psycho” nuk e dinte se çfarë do të ndodhte

“Nuk e dija që do të udhëtoja nëpër botë dhe do të lansoja kaq shumë muzikë në të njëjtën kohë”, tha ajo, teksa shprehet e lumtur për këto arritje.

Teksa foli për atë se çfarë e shtyu të vazhdonte me këngë pas “Sweet but Psycho”, ajo tha se filloi të udhëtonte jashtë SHBA dhe se kjo ishte gjëja më e mirë e mundshme.

Ava thekson se “Sweet but Psycho” ishte ajo që e nisi gjithë këtë sukses të saj,

Artistja mendon që është mirë të publikojë vazhdimisht këngë të reja, sidomos ato të albumit, ngase mendon që është mënyra më e mirë se si ta njohin të tjerët, një artiste të re, siç është ajo.

“Nuk më pëlqente të mos publikoja asnjë këngë gjatë kohës sa isha në turne. Kështu që i thashë vetes, nuk do ta bëj më kurrë atë. Dua të nxjerr single pothuajse çdo muaj, nëse ka ndonjë gjë”, tha ajo.

Këngëtarja thotë se vazhdimisht bën këngë të reja dhe se ka një studio në shtëpinë e saj.

“Epo, është interesante sepse unë kurrë nuk shkoj në studio duke thënë: ‘Mirë, unë do të provoj një këngë të re sot’. Nuk është ashtu. Është më shumë si: ‘Unë jam duke eksperimentuar me tekstshkrues të tjerë ndonjëherë ose duke eksperimentuar vetë’. Dhe pastaj krejt papritur, unë jam duke dëgjuar muzikë frymëzuese në të kaluarën dhe kështu që padyshim që e dëgjova atë këngë dhe isha si, ‘Prit, kjo është një nga këngët më të mëdha’. Kështu që unë jam tamam si: ‘Pse nuk e rikthejmë këtë dhe e bëjmë atë më moderne?’ e bëjmë atë një himn femëror”, shtoi ajo, teksa foli për “My Head and My Heart”.

BKS-ja kërkon nga Institucionet që sigurimi për bujqit të bëhët obligativ

Sponsoruar