Rozë

Këngëtarja e famshme shqiptare përfundon në gjykatë vetëm se postoi në “Instagram” një foto të…

Autori: Gazeta inFokus 10:16 | 23 June 2022

Në botë, personazhet e famshëm janë të ndjekur gjithandej nga paparacët, të cilët presin me padurim që t’i “kapin mat” dhe më pas të publikojnë fotografitë e tyre.

Ka pasur raste që yjet janë ankuar për to, duke i akuzuar për shkelje të privatësisë. Por nuk është ky rasti i këngëtares së famshme shqiptare, Dua Lipa.

Kjo e fundit ka postuar në profilin e saj në “Instagram” një foto të shkrepur nga paparaci, ku ky i fundit e ka paditur në gjykatë. Është fjala për fotografin, Robert Barbera i cili e ka hedhur në gjyq Duan me pretendimin se këngëtarja ka shkelur të drejtën e autorit.

-Advertisement-

Imazhi në fjalë është shkrepur në korrik të vitit 2018 dhe Lipa shfaqet e veshur me një triko të zezë që mban fjalën “HEROES” me shkronja të mëdha të mëdha.

“Pa leje ose autorizim nga paditësi, i pandehuri zgjodhi, kopjoi dhe shfaqi vullnetarisht secilën nga fotografitë e mbrojtura nga e drejta e autorit të paditësit”, thuhet në padi.

Ndërkohë ju kujtojmë që kjo është hera e dytë brenda vitit që yllit të popit i ndodh e njëjta situatë. Ajo është paditur edhe më herët nga kompania e quajtur “Integral Images”.