Rozë

Kendall Jenner nderohet me “Fashion Icon of the Decade”, zgjon shumë reagime

Autori: Gazeta inFokus 14:37 | 31 August 2017

Kendall Jenner do të nderohet me çmimin “Fashion Icon of the Decade” dhe ky lajm menjëherë ka zgjuar reagime në publik, ku shumica kanë shfaqur pakënaqësitë e tyre.

Çmimi do t’i ndahet modeles në edicionin e pestë të ceremonisë “Fashion Media Awards” të cilin e organizon revista “The Daily Front Row”, transmeton emisioni Express në KTV.

Shumica e njerëzve që kanë reaguar kundër vendimit të kësaj reviste për t’ia dhuruar Jennerit këtë çmim, fokusoheshin te fakti se shpërblimi i dedikohet punës 10 vjeçare të një personaliteti, dhe e potenconin faktin se Jenner e cila është vetëm 21 vjeçare, atëkohë i bie të ketë qenë vetëm 11 vjeçe.

-Advertisement-

Po ashtu njerëzit e kanë shprehur hidhërimin e tyre për faktin që Rihanna është anashkaluar për këtë nderim, e cila sipas tyre për këto 10 vjet ka qenë ikonë e promovimit të stileve të ndryshme të modës dhe shquhet për origjinalitetin e saj.

Kendall ende nuk ka dhënë ndonjë reagim zyrtarë rreth këtij lajmi, por sigurisht se në mediat sociale është shprehur e nderuar që do ta pranoj çmimin dhe njëkohësisht titullin, “Ikonë e Modës”.

Subscribe në YouTube: GAZETA INFOKUSI