Kelmendi: Votat e Fjalës, janë transferuar tek partitë tjera
Autori: Gazeta inFokus 10:52 | 22 June 2017
Kryetari i partisë Fjala, Gëzim Kelmendi thotë se koalicionet PDK-AAK-Nisma dhe LDK-AKR-Alternativa e kanë dëmtuari partinë e tij duke ia mohuar të drejtën e të pasurit komisionerë në vend votime.
Kelmendi në një intervistë për KosovaPress tha se dëmtimi i Fjalës ka vazhduar edhe gjatë ditës së zgjedhjeve duke i shpallur të pavlefshme votat e tyre dhe duke i transferuar votat e Fjalës tek partitë tjera.
“Do të thotë koalicioni i PDK-së, koalicioni i LDK-së dhe Lëvizja Vetëvendosje kanë marr vendim që në çdo vendvotim t’i kenë nga 3 komisionerë secila parti 3+3+2, ndërsa neve na ka lënë pa asnjë komisioner. Qysh në fillim të procesit zgjedhor e kanë dëmtuar partinë Fjala, dëmtimi i dytë pas saj na ka ardhur në fazën e numërimit ku dëmtimi është bërë në tri forma, fillimisht duke i bërë të pavlefshëm fletëvotimet e partisë Fjala, pastaj forma e dytë ka qenë duke i transferuar tek partitë e tjera dhe forma e tretë duke mos i deklaruar fare. Do të thotë në këtë formë na kanë dëmtuar neve si parti ”, tha ai.
Kelmendi përveç koalicioneve dhe partive politike ka akuzuar edhe Komisionin Qendror Zgjedhor se ata e kanë caktuar formulën e komisionerëve për koalicionet dhe partitë sikur në odë të burrave, kështu duke iu krijuar atyre një terren shumë të mirë për fitore.
Kryetari i Fjalës tha se akuzat e tij drejtuar koalicionit PDK-AAK-NISMA dhe LDK-AKR-Alternativa dhe Vetëvendosjes i ka të bazuara në deklarimet e komisionerëve të tyre të cilët sipas Kelmendit kanë pranuar se kanë manipuluar me votat e partisë Fjala.
“Disa prej votave kanë qenë tonat, kjo nuk është supozim i imi, nuk është dyshim i imi por është i argumentuar mbi deklaratat e komisionerëve të këtyre partive të cilët na kanë lajmëruar në vazhdimësi këtyre ditëve që i lamë pas. Qëndrimet e tyre kanë qenë shumë korrekte na kanë thënë në vendvotimet kur unë kam punuar votat e juaja nuk i kemi deklaruar fare, disa vota të juaja i kemi transferuar tek partitë tjera dhe disa vota të tuaja i kemi bërë të pavlefshme”, tha më tej Kelmendi.
Kelmendi pretendon se edhe gjatë fushatës është zhvilluar një propagandë e ashpër nga koalicionet PAN, LAA dhe Lëvizja Vetëvendosje ndaj partisë Fjala se kinse është parti e re dhe nuk e kalon pragun zgjedhor.
“Është e vërtetë se gjatë fushatës është zhvilluar një propagandë shumë e ashpër ndaj neve se kinse ‘këta janë parti e re dhe mos iu jepni votën atyre se këta nuk e kalojnë pragun’ kjo ka qenë propaganda që e kanë zhvilluar militantët e partive të ndryshme por megjithatë ne kemi vazhduar, mbështetja e qytetarëve ka qenë mjaft e madhe por dëmtimin na kanë bërë pikërisht këto parti në procesin e numërimit të votave kur unë jo rastësisht i kam akuzuar edhe dje për vjedhje të votave”, tha Kelmendi.
Lideri i Fjalës ka qenë skeptik edhe për formimin e qeverisë së ardhshme. Për formimin e Qeveria ai dha dy mundësi, krijimi i një qeverie të brishtë ose zgjedhje të jashtëzakonshme.
“E di që kanë shumë probleme, e do që do të kemi ose një qeveri të brishtë e me numër shumë të vogël të cilët do ta mbështesin ose nuk përjashtohet mundësia që vendi të shkoj përsëri në zgjedhje të jashtëzakonshme”, tha ai.
Kelmendi që nga dita e zgjedhjeve ka drejtuar akuza ndaj koalicioneve PAN, LAA dhe Lëvizjes Vetëvendosje duke i konsideruar se ia vodhën partisë Fjala.
Të tjera
-
Bislimi udhëton në Bruksel, nesër pritet takim me Petkoviqin
Zëvendëskryeministri i Kosovës Besnik Bislimi, nesër në Bruksel pritet të tak...
-
Stoltenberg: Vendet të vendosin vetë nëse mund Ukraina t’i përdorë armët me rreze të gjatë në Rusi
Shefi në largim i NATO-s, Jens Stoltenberg, ka thënë të hënën se i mirëpret b...
-
Molliqaj publikon foto të Kurtit dhe Elbert Krasniqit në veri: Mashtrimi dhe realiteti
Kryetari i Partisë Socialdemokrate, Dardan Molliqaj, ka postuar dy fotografi ...
-
Kurti: Bashkë do të sigurojmë që Kosova të jetë një vend më i banueshëm, me i qëndrueshëm dhe i sigurt për brezat e ardhshëm
Kryeministri i Republikës së Kosovës, Albin Kurti, gjatë pasdites mori pjesë ...
-
Lladrovci: Duhet të ndalet degradimi i shtetit, zgjedhjet e 9 shkurtit janë rast t’i jepet fund qeverisjes aktuale
Kryetari i Drenasit që vjen nga rradhët e PDK-së, Ramiz Lladrovci ka reaguar ...
-
Kurti i shkon në vizitë Sabri Fejzullahut: Për ditëlindjen e tij të 77-të na pritën me ngrohtësi
Kryeministri Albin Kurti e ka vizituar këngëtarin e mirënjohur Sabri Fejzulla...
-
Ardita Sinani njoftim të rëndësishëm qytetarëve në Preshevë për problemin me qentë endacak
Kryetarja e Preshëvës, Ardita Sinani, njofton qytetarët se nga nesër do të fi...
-
Përurohet Shtëpia e Kulturës në Suharekë, Haradinaj: Komunat tona po luftojnë të përparojnë pa mbështetjen e duhur nga niveli qendror
Kryetari i Aleancës për Ardhmërinë e Kosovës (AAK), Ramush Haradinaj, ka vizi...
-
Dënohen me mbi 12 vjet burgim nëntë të akuzuarit për dëmtim të buxhetit mbi 2 milionë euro
Gjykata Themelore në Prishtinë në rigjykim, ka dënuar me 12 vjet e 9 muaj bur...
-
Agim Bahtiri e lëshon edhe këtë deklaratë: Edhe 146 ditë vendi mbetet pa opozitë
Ish-kryetari i Mitrovicës, Agim Bahtiri, ka befasuar me deklaratën e dhënë së...
-
Kusari-Lila: PDK, gjithçka munden me qenë veç liberalë jo
Shefja e Grupit Parlamentar e Lëvizjes Vetëvendosje, Mimoza Kusari-Lila ka th...
-
Ministrja gjermane: Kosova dhe Gjermania po bashkëpunojnë për një Evropë të gjelbër
Ministrja Federale gjermane për Klimë, Anna Lührmann, dhe kryeministri i Koso...