Lajme

Kelmendi: Prokurorët dhe gjyqtarët të pazotë në trajtimin e gjetjeve të Auditorit

Autori: Gazeta inFokus 07:58 | 15 July 2018

Nuk dihet saktë se çfarë ndodh me hetimet nga shkeljet që i evidenton Zyra Kombëtare e Auditorit çdo vit.

Përtej deklarimeve publike se Prokuroria e Shtetit dhe Auditori kanë marrëveshje për trajtimin e këtij rasti, Prokuroria nuk ka asnjë të dhënë se çfarë ka ndodhur në këto hetime, shkruan sot “Koha Ditore”.

Prokurori i Zyrës së Kryeprokurorit të Shtetit, Besim Kelmendi, në një intervistë për gazetën ka thënë se nuk kanë statistika për hetimet që kanë nisur si pasojë e shkeljeve të institucioneve publike e që janë evidentuar nga Zyra Kombëtare e Auditorit.

-Advertisement-

Ai ka thënë se ka një përmirësim të situatës, megjithatë, edhe për këtë çështje nuk ka fakte, por i gjithë deklarimi bazohet në zotimet e menaxherëve të prokurorive në gjithë Kosovën para kryeprokurorit të shtetit se do ta trajtojnë këtë rast më seriozisht.

Subscribe në YouTube: GAZETA INFOKUSI