Lajme

Kelmendi akuzon Qeverinë për ndërhyrje direkte në punët e BIK’ut

Autori: Gazeta inFokus 18:55 | 19 May 2020

Kryetari i partisë Fjala, Gëzim Kelmendi, ka vlerësuar se Qeveria është duke u përzier në organizmin e jetës fetare në Kosovë.

“Ka ndërhyrje direkte të Qeverisë”, është shprehur ai.

“Kosova ka hyrë në fazën e dytë të lehtësimit të masave dhe shumë vende kanë hapur xhamitë. Pse vetëm Kosova të privohet nga falja e namazit në xhami? Deri më tani edhe vende e rajonit dhe BE-së. Lugina e ka thyer e para këtë barrierë dhe numri i rasteve nuk është rritur që prej praktikimit të namazeve”, ka thënë Kelmendi në Klan Kosova.

-Advertisement-

“Kufizimi le të jetë për të gjithë dhe lehtësimi të jetë për të gjithë. Pse aktivistëve të Vetëvendosjes u lejohet të mbajnë protesta në shesh dhe besimtarëve nuk u lejohet ta falin namazin? Qeveria nuk po e respekton BIK dhe besimtarët. Është e padrejtë qe vetëm besimtarët myslimanë mos të shkojnë në xhami. Është e padrejtë. Ka ndërhyrje të Qeverisë në punët e BIK”.

Kelmendi është shprehur se hapat e BIK për konsultimin e ekspertëve janë për t’u respektuar.

Subscribe në YouTube: GAZETA INFOKUSI

Të tjera

Fokusi

lajme