Lajme

KEK-u është duke shtuar kapacitetet e prodhimit dhe rikthen në funksion eskavatorët

Autori: Gazeta inFokus 16:59 | 26 December 2017

Pas finalizimit të marrëveshjes për zhvendosje të banorëve të lagjes Mirena nga fshati Shipitullë, Korporata Energjetike e Kosovës ka kënaqësinë të ju njoftoj se në afat rekord eshte duke ndermarr hapa qe te rikthen në funksion të gjitha kapacitetet e saj prodhuese.

Menjëherë sot kur janë arrit marrëveshjet dhe banorët kanë pranuar të largohen nga shtëpitë e tyre, Korporata ka lëshuar në punë edhe makinerinë e rendë punuese (Eskavatorët) për të larguar pjesën e para të djerrinës dhe në një afat rekord varsisht prej kushteve klimatike, do të krijohen kushte të mjaftueshme që muajit e ardhshem, të krijohen rezerva të thëngjillit.

Falë kësaj dinamike të punës dhe maksimal të gjithë punëtorëve të Korporata Energjetike e Kosovës, me datën 28.12.2017 do të rikthehet në prodhim edhe një bllok tjetër i Termocentralit “Kosova B”.

-Advertisement-

Ky bllok do të prodhojë 260 MW dhe do të arrijë prodhimi vendor në 650 MGW dhe do të ulë në minimum nevojën për importin e detyruar të energjisë elektrike i cili është duke u bërë tash e disa ditë si pasojë e vonesave me shpronësime në Hade e Shipitullë.

Kurse me avansimin e punës në heqjen e dheut, shumë shpejt Korporata do të kthej në prodhim edhe bllokun tjetër të “Kosovës A” i cili ka kapacitete prodhuese prej 130 MW, dhe kështu të arrijë në maksimum prodhimi vendor prej 780 MW energji elektrike.

Me këtë dinamikë të punës dhe këtë përkushtim të të gjithë punëtorëve të Korporatës do të përmbyllët historia e krizës energjetike e imponuar nga faktorët e jashte ndikimit te KEKut, pra nga zvarritjet e procesit të shpronësimeve.

Subscribe në YouTube: GAZETA INFOKUSI