Lajme

KEK: Përfunduam me sukses remontin e njësisë B1 para afatit të parashikuar

Autori: Gazeta inFokus 11:15 | 25 April 2025

Korporata Energjetike e Kosovës (KEK) ka njoftuar se punimet për remontin e njësisë B1 të Termocentralit Kosova B janë përmbyllur me sukses dhe përpara afatit të planifikuar. Remonti kishte nisur më 23 mars 2025.

“Falë angazhimit të jashtëzakonshëm të stafit të TC-B, përfshirë punëtorët, inxhinierët dhe menaxhmentin, të gjitha punimet e planifikuara janë përfunduar me sukses dhe më herët se sa ishte paraparë,” thuhet në njoftimin e KEK-ut.

Gjatë kësaj kohe janë kryer riparime dhe përmirësime të rëndësishme, duke përfshirë ndërrimin e pjesëve të dëmtuara, rinovimin e sistemeve dhe procedurat e nevojshme për të garantuar stabilitetin dhe efikasitetin e njësisë.

-Advertisement-

KEK bëri të ditur se njësia B1 është sinkronizuar me rrjetin elektrik më 24 prill 2025, në orën 22:32, dhe aktualisht funksionon në mënyrë stabile. “Kjo arritje është dëshmi e përkushtimit dhe profesionalizmit të të gjithë ekipit të përfshirë në këtë proces,” theksoi KEK.

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme