Lajme

KDI: Të rikthehet votimi elektronik në Kuvend dhe të bëhen publike votat e deputetëve

Autori: Gazeta inFokus 13:30 | 22 February 2023

Instituti Demokratik i Kosovës ka kërkuar rikthimin e votimit elektronik në Kuvendin e Kosovës dhe bërjen publike të votave të deputetëve gjatë seancave.

KDI-ja vlerëson se mungesa e votimit elektronik po e cenon funksionimin transparent dhe llogaridhënien e kuvendit.

“Është bërë më shumë se një vit qëkur procesi i votimit në seancat e Kuvendit të Kosovës i është rikthyer praktikës së votimit me ngritje të dorës, si rezultat i dështimit të procedurave tenderuese për t’a rifunksionalizuar votimin elektronik”.

-Advertisement-

“KDI vlerëson që mungesa e votimit elektronik po e cenon funksionimin transparent por edhe llogaridhënien e Kuvendit. Kështu, vullneti i përfaqësuesve të qytetarëve, i shprehur nëpërmjet votimit individual mbetet i panjohur për qytetarët, meqë Kuvendi nuk po e publikon informatën se si secili deputet ka votuar lidhur me pikat e rendit të ditës, ashtu siç parashihet me Rregulloren e Punës së Kuvendit. Sipas Nenit 61, paragrafi 9 të Rregullores, “Publikimi i votimit me dorë bëhet publike brenda dy (2) ditë pune pas përfundimit të votimit në seancë plenare.” thuhet në kumtesën e tyre për media.

Ky institut ka kërkuar që në një afat sa më të shpejtë të rikthejë votimin elektronik.

“Në mënyrë që të rritet transparenca dhe llogaridhënia e Kuvendit dhe e deputetëve individualisht, KDI kërkon nga Kuvendi, që në një afat sa më të shpejtë të mundshëm t’a rikthejë votimin elektronik. Në ndërkohë, Kuvendi përveç publikimit të votave kumulative, duhet të bëjë të qasshme për publikun rezultatet e votimit me dorë për secilin deputet individualisht në seancat e Kuvendit”.

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme