Lajme

KDI: Presidentja t’i thërrasë liderët e partive në takim për të diskutuar zgjidhjen

Autori: Gazeta inFokus 16:59 | 25 April 2025

Instituti Demokratik i Kosovës (KDI) ka reaguar pas dështimit për herë të gjashtë të konstituimit të Kuvendit, duke e quajtur procesin aktual parlamentar “cikël absurd seancash çdo 48 orë”, pa reflektim politik dhe pa asnjë rezultat konkret. KDI-ja i ka bërë thirrje presidentes Vjosa Osmani që të marrë rol më aktiv duke thirrur takim me liderët e partive parlamentare, me qëllim të gjetjes së një zgjidhjeje për dalje nga situata.

Sipas KDI-së, mungesa e një përpjekjeje serioze për të arritur marrëveshje që siguron shumicën parlamentare, si dhe përsëritja e kandidaturës së njëjtë për pozitat udhëheqëse, e ka shndërruar këtë proces kushtetues në një formalitet të zbrazët që nuk sjell zgjidhje.

“Rregullorja e Punës së Kuvendit ka kuptim vetëm nëse respektohet në frymën e saj – për të garantuar funksionalitetin e institucionit. Ajo nuk mund të keqpërdoret si mburojë për mungesën e vullnetit politik, e aq më pak për të justifikuar një gjendje të pafund bllokade”, thuhet në reagimin e KDI-së.

-Advertisement-

Në këtë drejtim, KDI-ja i ka bërë thirrje presidentes Vjosa Osmani që të marrë rol më aktiv duke thirrur takim me liderët e partive parlamentare, me qëllim të gjetjes së një zgjidhjeje për dalje nga situata.

“Kushtetuta i njeh Presidentes mandatin për të garantuar funksionimin kushtetues të institucioneve. Në një situatë kur Kuvendi – institucioni më i lartë përfaqësues – është i bllokuar, angazhimi i saj politik dhe institucional nuk është vetëm i justifikuar, por i domosdoshëm”, thuhet në deklaratë.

Subscribe në YouTube: GAZETA INFOKUSI
Kryetari Përparim Rama pjesë e ‘Mayor’s Talk’
-Advertisement-

Të tjera

Fokusi

lajme