Lajme

Katër ditë pasi u kidnapua një femër në Prishtinë, reagon zyra e Kryeministrit

Autori: Gazeta inFokus 11:09 | 22 June 2018

Katër ditë pasi u kidnapua një femër në Prishtinë ka reaguar zyra e kryeministrit të Kosovës, shkruan GazetaFokus.

Në reagimin e Agjencisë për Barazi Gjinore në zyrën e kryeministrit thuhet se ky akt duhet të dënohet derisa dëshmon pasigurinë e femrave në kryeqytet.

Gjithashtu në këtë reagim kërkohet sqarim nga Prokuroria e Shtetit për lirimin e kidnauesëve.

-Advertisement-

“Incizimi i rastit i postuar ne mediat online nga ana e dëshmitarëve të rastësishëm, dëshmon për një nivel sigurie jo adekuat, ku çdo vajzë apo grua mund të përballet me një rrezik të tillë në rrugët e kryeqytetit. Ky është një akt i cili duhet të dënohet nga shoqëria dhe nga institucionet, derisa nga Prokuroria e Shtetit kërkohet sqarime lidhur me rastin dhe deklaratën për lirimin e kidnapuesve. Aktet e tilla janë të papranueshme për shoqërinë tonë dhe si te tilla shkaktojnë pasiguri të qytetaret e në veçanti tek gratë dhe vajzat, dhe nëse nuk ofrohen informacione shtesë për zbardhjen e rastit do të shkaktojnë mosbesim dhe frikë për sigurinë e grave dhe vajzave, dhe e dëmtojnë imazhin e policisë si një organ tek i cili qytetarët e RKS kanë besim të dëshmuar”, thuhet në reagim.

Në orët e para të mëngjesit të se hënës (18 qershor 2018) policia ka bërë të ditur se një femër është futur me dhunë nga disa persona në një veturë.

Sipas policisë, pas grumbullimit të shpejtë të informacioneve të marra në rrugë operative si dhe pas zgjerimit të hetimit, kanë arritur që të identifikojnë viktimën si dhe shoqëroi në stacion policor 37 vjeçarin me inicialet S. D dhe 24 vjeçarin me inicialet E. A.

Ndaj personave të dyshuar është iniciuar rasti shtrëngim dhe të njëjtit me urdhër të prokurorit të shtetit lirohen në procedurë të rregullt, ndërkohë që hetuesit policor janë në përfundim të veprimeve të nevojshme hetimore dhe procedurale, për sqarimin dhe zbardhjen e plotë të motiveve dhe rrethanave të ngjarjes. /GazetFokus.

Subscribe në YouTube: GAZETA INFOKUSI