Sport

Kastriot Rexha flet para ndeshjes me Prishtinën

Autori: M.M 17:37 | 23 February 2021

Prishtina dhe Drita do të përballen nesër, në kuadër të xhiros së 21-të në elitën e futbollit kosovar, shkruan Gazeta inFokus.

Dueli nisë nga ora 13:00 dhe zhvillohet në stadiumin ‘Fadil Vokrri’ në kryeqytet.

Para kësaj ndeshje për Gazetën inFokus ka folur sulmuesi i Dritës, Kastriot Rexha.

Ai ka thënë se kjo është një sfidë shumë e rëndësishme dhe shpreson në fitore.

“Për neve ballafaqimi me Prishtinën është një ndeshje shumë e rëndësishme, pasi që duhet të reagojmë, pas asaj humbjes që kemi pësuar nga Trepça ’89. Shpresoj dhe kam besim që skuadra do të marrë rezultat të favorshëm nga ky takim, jemi të përgatitur maksimalisht”, ka deklaruar Rexha.

Para këtij dueli, Prishtina renditet e treta me 38 pikë, kurse Drita e dyta me 44 sosh./Gazeta inFokus/

Të tjera