Lajme

Kastrati: Vizita e shefit të CIA-s në rajon synon të ndalë përpjekjet e Rusisë për një konflikt të mundshëm

Autori: Gazeta inFokus 14:28 | 21 August 2024

Ish-komandanti i Forcës së Sigurisë së Kosovës, Kadri Kastrati, ka thënë se vizita në rajon e shefit të Agjencisë Qendrore amerikane të Inteligjencës (CIA), William Burns, tregon se Shtetet e Bashkuara kanë informacione të mjaftueshme për përpjekjet e Rusisë – përmes aleatit të saj, Serbisë – që Ballkani Perëndimor të jetë në rrezik për një konflikt të mundshëm.

Ai pret që Burns të japë rekomandime të “fuqishme” për institucionet e Kosovës lidhur me pjesën veriore, që të mos ndërmarrin veprime pa u koordinuar me NATO-n, SHBA-në dhe Bashkimin Evropian, në mënyrë që të mos krijohet një situatë e pamenaxhueshme.

Kastrati shton se mesazhet kryesore Burns do t’i përcjellë në Beograd, pasi, sipas tij, aty gjendet qendra e lëvizjeve radikale drejt Bosnjës dhe Kosovës. Kastrati thekson se pret që politika në Bosnje e Hercegovinë të bllokojë dhe të eliminojë ndikimin e liderit të Republikës Sërpska, Millorad Dodik. /REL

-Advertisement-

Subscribe në YouTube: GAZETA INFOKUSI