Lajme

Kastrati: Po kalon koha e atyre që hanë me dy lugë

Autori: Gazeta inFokus 11:39 | 24 December 2017

Tre asamblistë të PDK-së në Mitrovicë, Gani Haliti, Sami Latifi dhe Fatmir Habibaj, nuk janë më pjesë e grupit të asamblistëve të kësaj partie, pasi që nuk kanë respektuar qëndrimin e partisë.

Lajmin e ka bërë të ditur për KosovaPress kryetari i PDK-së në Mitrovicë, Avni Kastrati.

Ai ka konfirmuar largimin e këtyre tre këshilltarëve për shkak të siç u shpreh, mos respektimit të vendimit të Grupit, por edhe të kryesisë së kësaj dege, që në rast se nuk miratohet kërkesa për shtyrjen e seancës, e cila u mbajt të enjten, të gjithë asamblistët e PDK-së ta braktisin seancën.

-Advertisement-

Sipas tij, një natë para se të mbahej seanca, kryesia e Degës ka marrë vendim që mbledhja e Asamblesë Komunale mos të mbahet si mbledhje e jashtëzakonshme dhe të shtyhet për një ditë tjetër, për shkak se sipas rregullave nuk ka pasur urgjencë, ngase është dashur vetëm të zgjedhet kryesuesi i Kuvendit.Fatmir Habibaj, njëri nga asamblistët e larguar, tha se një veprim të tillë nuk e ka bërë për ndonjë qëllim dhe për asnjë pazar.

Ai sqaroi se përkundër qëndrimit të partisë ndaj tij, do të jetë pro të gjitha vendimeve të PDK-së në të ardhmen.Edhe asamblisti tjetër Sami Latifi, i ka thënë KosovaPress-it përmes telefonit se nuk ka vepruar për asnjë qëllim dhe për asnjë pazar, ndërsa do të jetë pro të gjitha vendimeve të PDK-së në Kuvendin Komunal të Mitrovicës, pavarësisht se nuk është më anëtar i kësaj partie.