Kastrati i PDK-së për Kurtin: Rrenci më i madh që ka përjetuar skena politike kosovare
Autori: Gazeta inFokus 15:07 | 12 December 2023
Deputeti nga radhët e Partisë Demokratike të Kosovës (PDK), Ardian Kastrati, ka hedhur kritika dhe akuza të rënda ndaj kryeministrit Albin Kurti dhe zëvendësit të tij, Besnik Bislimi.
Ai duke komentuar qeverisjen e Lëvizjes Vetëvendosje gjatë kësaj periudhe ka thënë se kjo parti ka dështuar brenda, në aspektin politik e mos të flasim në atë të jashtëm
Madje për kreun e ekzekutivit Kastrati ka thënë se është “rrenci më i madh që ka përjetuar skena politike kosovare”.
“Është madje njeri i kobshëm, sepse ka shkelë mbi gjakun e njerëzve për me i realizu objektivat e veta politike. Për Kosovën është tregu shumë i rrezikshëm”, ka thënë Kastrati në emisionin “Përballje” në Telegrafi.
Ndërsa, Bislimin ai e ka akuzuar për hajni.
“Besnik Bislimi është ‘hajn’. Ai vitin e kaluar i ka pasur 3 mijë e 700 euro mëditje me shku në Bruksel dhe me i udhëheq bisedimet me Serbinë. Por, rezultati i tij dhe i ekipit të Albin Kurtit është autonomi me nenin shtatë”, ka thënë Kastrati, duke shtuar se i njëjti është pasuruar shumë tash e tri vjet prej kur është në pushtet.
Deputeti i PDK-së më tej ka kritikuar Qeverinë për zbehje të subjektivitetit ndërkombëtar të Kosovës e mungesë të investimeve.
“Është zbehur dhe ka rënë për toke subjektiviteti ndërkombëtar i Kosovës në arenën ndërkombëtare. Pra, politikat e jashtme janë inekzistente. Është degraduar në çdo segment të politikave të jashtme, kurse nga brenda është gërryer sovraniteti”, është shprehur ai.
“Kur them kështu nuk mendoj vetëm për veriun për shkak të autonomisë të cilën e solli Albin Kurti duke dalë nga rendi kushtetues i Kosovës, por edhe për shkak se ekonomia është degraduar pa investime kapitale, pa investime të huaja, me portrete dhe profile ministrash mediokër që nuk e dinë se çka kanë me bë me këtë buxhet. Janë ankues kronikë dhe nuk kanë asnjë rezultat”.
Sipas Kastratit, i vetmi rezultat është që çdo i dyti qytetar dëshiron që të ikë nga vendi.
“Këtë nuk e thotë PDK-ja, por e thonë raportet ndërkombëtare, si ai i Bankës Botërore, i Raportit të Progresit etj. ka dhunim të institucioneve të Republikës së Kosovës. Në fakt, ka goditim. Pra në zhvillimin demokratik të tyre sepse jemi shtet i ri, po sa filloi me pa dritën e vet, do të thotë këta e dhunuan”.
Duke iu referuar zyrtarëve qeveritarë, deputeti opozitar ka thënë se ata flasin sikur Kosovën të tjerët e kanë marrë si Zvicër dhe e kanë dorëzuar si Somali. Por sipas tij, është e kundërta.
“Është marrë në situata të ngjashme me Somalinë kur s’ka pasë as infrastrukturë bazike, as kanalizim, as ujësjellës nëpër fshatra, as ndriçim, as rrugë, autostrada, as ambulanta, as shkolla, as sistem bankar. Të gjitha këto ka ndodhë në atë periudhë. Tash a ka mujt ma mirë a ka mujt ma keq? Kjo matet me metoda empirike”.
“Edhe sikur të pajtohemi me Lëvizjen Vetëvendosje se çdo gjë ka qenë zi. Pse nuk po ndryshon gjendja? Si nuk mundesh një element më të voglin me ndryshu në QKUK? Si mundesh me Ligjin e Pagave me i zbrit rrogat në sektorit publik? Si mundesh me thënë që paska qenë zi arsimi, kurse tani jemi akoma më poshtë? Në testin PISA kemi dalë të fundit. Si ka mundësi që tani raporti i Bankës Botërore thotë se 60 për qind e familjeve kosovare jetojnë në varfëri? Po flasim për një qeverisje e cila po i bën katër vjet”, ka theksuar ai.
Kastrati në këtë intervistë ka folur edhe për dialogun Kosovë-Serbi dhe Asociacionin e komunave me shumicë serbe.
Të tjera
-
Arratisja e Enver Sekiraqës, deklarohet avokatja e tij
Gjatë ditës së djeshme u raportua për arratisjen e Enver Sekiraqës. Kjo u ...
-
Prishtinë: Babë e bir rrằhen mes vete
Babë e bir janë rrahur mes vete, pas një mosmarrëveshje që kishin pasur. R...
-
Kosova dhe ShBA-ja sot nënshkruajnë marrëveshje kundër manipulimit të informacionit nga shtetet e huaja
Presidentja e Republikës së Kosovës, Vjosa Osmani, do ta pres sot në takim në...
-
Ngjarjet e datës 19 maj
Presidentja Vjosa Osmani pret në takim nënsekretaren e Departamentit të Shtet...
-
Nënsekretarja Allen vizitoi ushtarët amerikanë në Veri, nga helikopteri i KFOR’it pa “zonat sensitive” atje
Nënsekretarja amerikane e Shtetit, Liz Allen ka vizituar sot ushtarët ame...
-
Serwer ngre pikëpyetje: Çfarë duhet bërë me Asociacionin?
Analisti dhe profesori amerikan i universitetit John Hopkins, Daniel Serwer, ...
-
“Ne jemi krenarë për partneritetin me Kroacinë”, Osmani uron Plenkoviqin për mandatin e tretë si kryeministër
Presidentja e Kosovës, Vjosa Osmani e ka uruar Andrej Plenkoviqin, për mandat...
-
Isufaj për rastin e Sekiraqës: Ne kemi bërë punën tonë
Kryeprokurori i Prokurorisë Speciale, Blerim Isufaj për RTKlive, nuk ka dashu...
-
Tahiri – Kurtit: Mbi 87 mijë qytetarë e kanë lëshuar vendin, mos abuzo me shifra imagjinare
Shefi i Grupit Parlamentar të Aleancës për Ardhmërinë e Kosovës, Besnik Tahir...
-
Hapet rruga Gjakovë-Dollc në fshatin Volljakë
Është hapur për qarkullim rruga Gjakovë-Dollc, në fshatin Volljakë. Inxhinie...
-
Kosova dhe ShBA-ja nesër nënshkruajnë marrëveshje kundër manipulimit të informacionit nga shtetet e huaja
Presidentja e Republikës së Kosovës, Vjosa Osmani do ta pret nesër në takim n...
-
Haradinaj nis vizitën në Gjermani, takon strukturat e AAK-së në Bavari
Kryetari i Aleancës për Ardhmërinë e Kosovës (AAK), Ramush Haradinaj me bashk...