Fokus

Kaq para do të shpenzojë Kosova për vaksinën antiCOVID

Autori: H. Smajli 13:08 | 05 January 2021

Afro 40 milionë euro, janë paraparë në buxhetin e shtetit për vitin 2021, që sipas nevojës të blihen vaksina antiCOVID, ani pse 360 mijë vaksinat e para do të jenë falas për Kosovën.

E përveç vaksinave kjo shumë do të përdoret edhe për nevoja të tjera për COVID-19, shkruan Gazeta inFokus.

Këtë për Gazetën inFokus e kanë konfirmuar nga zyra për informim e Ministrisë së Shëndetësisë, sipas të cilëve qytetarët për fillimin e vaksinimit duhet të presin deri në mes të muajit shkurt, koha kur edhe do të arrijnë 360 mijë vaksinat e para.

-Advertisement-

“Kosova, ka siguruar buxhet prej 40 milionë eurove (ne kuadër te buxhetit 2021) për vaksinat qe do t’i blejë vet dhe nevojat për COVID-19, kështu që çdo vaksine qe do t’u jepet qytetareve të Kosovës, do te jetë falas.”, thuhet në përgjigjen e MSH-së.

Sasia e vaksinave të cilat fillimisht do të vijnë në Kosovë është 360 mijë mirëpo më vonë sipas nevojës mund të arrijë në 800 mijë apo edhe 1 milionë e 200 mijë.

“Vaksinat e para pritet të arrijnë ne mes te muajit shkurt, por ka gjasa qe sasi te caktuara të arrijnë edhe më herët, të siguruara përmes rrugëve të tjera. Për fillim 360 000 , por numri mund te rritet deri ne 800 000 apo edhe 1.200.000”, thuhet në përgjigjen e MSh-së për inFokus.

Kujtojmë se nga COVID-19 në Kosovë kanë humbur jetën 1 mijë e 351 persona.

Ndërsa deri më tani nga virusi COVID-19, janë prekur, 52 mijë e 134 qytetarë, e raste aktualisht aktive janë edhe 7 mijë e 835 raste./Gazeta inFokus/

Subscribe në YouTube: GAZETA INFOKUSI
Studio MASTER në UNI, Merr Diplomë dhe lejeqëndrim t’përhershëm në GJERMANI

Të tjera