Në mungesë të akuzuarës Xh.D, ka dështuar të nis gjykimi në rastin ku ajo po akuzohet se në gusht të 2017-ës, sulmoi policen A. Gj- B brenda stacionit policor, duke i shkaktuar lëndime të lehta trupore.

Lidhur me mungesën e të akuzuarës gjykatësi i rastit Adnan Kamberi deklaroi se gjykata më 17 nëntor 2021, ka përsëritur urdhëresën për verifikim të adresës dhe dorëzim të ftesës, mirëpo sipas tij, deri në kohën e mbajtjes së kësaj seance nga Stacioni Policor “Qendra” në Prishtinë nuk ka ndonjë konfirmim lidhur me ekzekutimin e urdhëresës së gjykatës.

Tutje, sipas gjykatësit Kamberi lidhur me sigurimin e prezencës së të akuzuarës në seancën e radhës gjykata do të ndërmarr të gjitha veprimet e nevojshme konform dispozitave ligjore pasi që të pranoj përgjigjën me shkrim nga Stacioni Policor “Qendra”.

-Advertisement-

Ndryshe, të pranishëm në këtë seancë ishin prokurori Besnik Jakupi dhe e dëmtuara.

Me qenë se nuk u plotësuan kushtet për mbajtjen e shqyrtimit fillestar, seanca e sotme është shtyrë, kurse ajo e radhës mbetet e pacaktuar.

Sipas aktakuzës së ngritur më 26 shkurt 2018, nga Prokuroria Themelore në Prishtinë, Xh.D po akuzohet më 18 gusht 2017, në rrugën “Luan Haradinaj”, në stacionin policor Qendra, derisa e dëmtuara ishte ndaluar sipas urdhëresës së Prokurorisë Themelore në Prishtinë- Departamenti për të mitur, e njëjta e ka sulmuar rreshteren, tani të dëmtuarën A.XH.

Aktakuza thotë se, gjatë komunikimit në mes të akuzuarëni dhe të dëmtuarës e cila ishte në kryerje të detyrës zyrtare, e akuzuara fillon të bërtas dhe ta ofendojë e pastaj papritmas ngritët nga karrigia dhe tenton ta kapë për fyti me të dy duart të dëmtuarën.

Tutje, aktakuza thotë se me këtë, e pandehura i shkakton lëndime të lehta trupore, disa gërvishtje me thonj në anën e majtë të qafës.

Me këtë, Destani po akuzohet se ka kryer veprën penale “Sulm ndaj personit zyrtar gjatë kryerjes së detyrave zyrtare” nga neni 410, paragrafi 2 lidhur me paragrafin 1 të Kodit Penal, vepër kjo e dënueshme me burgim prej gjashtë muaj deri në pesë vjet. /BetimipërDrejtësi

Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-