Lajme

Kapet kosovari në Gjermani: Kishte vozitur kamionin 97 herë, pa leje shoferi

Autori: Gazeta inFokus 12:22 | 27 January 2023

Hetimet intensive çuan në zbulimin e 97 udhëtimeve pa patentën e shoferit. Nga hetimet rezultoi se patentë shoferi i tij kosovar nuk ishte më i vlefshëm.

Sipas policisë, një kontroll trafiku në Künzelsau, i ndodhur më 25 tetor 2022, çoi në hetime intensive që çuan në zbulimin e 97 udhëtimeve pa patentën e kërkuar të shoferit.

Një 25-vjeçar po ngiste një makinë VW ngarkuese në autostradën B19 në drejtim të Künzelsau kur u kontrollua nga një patrullë e policisë rrugore të Künzelsau, transmeton albinfo.ch. Ai ishte në rrugë si pjesë e transportit tregtar të mallrave për llogari të shefit të tij 55-vjeçar.

-Advertisement-

Në kundërshtim me rregulloren për personelin e drejtimit të makinave, 25-vjeçari nuk kishte me vete asnjë dëshmi për kohën e tij të drejtimit dhe pushimin si dhe nuk ishte kujdesur që ngarkesa e tij të sigurohej siç duhet, shkruan fnweb.de.

Nga hetimet rezultoi se patentë shoferi i tij kosovar nuk ishte më i vlefshëm, gjë për të cilën ai ishte njoftuar edhe me shkrim nga zyra e qarkut.

Pavarësisht se e dinte këtë, ai merrte pjesë në trafikun publik, transmeton albinfo.ch. Nëpërmjet hetimeve intensive dhe mbledhjes së provave nga kompania, hetuesit kanë mundur të vërtetojnë se 25-vjeçari ka kryer të paktën 97 udhëtime pa licencë që nga fillimi i punës./albinfo.ch

Subscribe në YouTube: GAZETA INFOKUSI
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

lajme