Lajme

Kaos në Klinikën Infektive, qytetarja duke bërtitur ankohet se ka dy orë që po pret për kontrollë

Autori: Gazeta inFokus 15:47 | 26 January 2022

Një qytetare e cila siç duket ka shkuar për kontrollë në Klinikën Infektive duket se nuk është ndarë e kënaqur. Kjo sepse ajo thotë se ka pritur 2 orë për një vizitë.

Në bazë të videos që ka siguruar Gazeta Infokus, qytetarja ankohet se po futen njerëz pa rend para saj dhe duke thënë se ka dy orë që po pret ajo shpërthen në të bërtitura, duke e shndërruar në kaos situatën para hyrjes së repartit për vizita.

“Infermierët nuk kanë faj për këtë gjendje, por unë ka dy orë që po pres…”

Ajo dëgjohet duke thënë që nuk e konsideron normale që të presë kaq gjatë për vizitë duke shtuar se para katër ditësh, e kishte pasur kontrollen e rregullt dhe nuk ka pritur kaq shumë.

Në vazhdim mund të shihni videon që është dërguar nga lexuesit, i cili po ashtu është ankuar se zonja që kishte shpërthyer në të bërtitura kishte një kohë të gjatë që po priste. Derisa infermieret dëgjohen duke thënë se rastet më urgjente duhet të kenë përparësi./Gazeta Infokus/

Të tjera