Lajme

Kandidatja e LDK-së për deputete Lendita Bekteshi: Vetëm bashkë mund të arrijmë ndryshime të mëdha dhe pozitive

Autori: Gazeta inFokus 13:26 | 16 January 2025

Kandidatja e LDK-së për deputete Lendita Bekteshi,  që garon me numër 66 , ka publikuar një status të rëndësishëm për qytetarët e Republikës së Kosovës.

Përmes statusit Bekteshi fton të gjithë qytetarët të mbështesin vizionin e saj dhe të LDK-së për një Kosovë më të zhvilluar dhe më të mirë për të gjithë.

“Unë e kam një vizion për Kosovën, një plan të qartë dhe të realizueshëm për zhvillimin e vendit tonë. Thirrja ime për ju sot është kontrata ime me ju nesër. Sepse, unë dua të vazhdoj t’ju shërbej me nder e përgjegjshmëri, ashtu si kam bërë gjithmonë. Vetëm bashkë mund të arrijmë ndryshime të mëdha dhe pozitive. Me mbështetjen tuaj mund të arrihet një e ardhme më e mirë për të gjithë” u shpreh ajo.

-Advertisement-

Bekteshi gjithashtu thekson se frymëzimi i saj buron nga trashëgimia e presidentit historik, dr. Ibrahim Rugova, dhe nga vlerat e familjes, që ajo i konsideron bazë të çdo veprimi të saj politik.

“Po ju drejtohem si njëra prej jush, e cila veten e ka vënë në shërbim të pakursyer për atdheun, për ta bërë edhe më të zhvilluar, ku njerëzit të jetojnë në paqe e në mirëqenie, ku solidariteti mes tyre kultivohet ashtu siç kultivohej një herë e një kohë, në vitet ‘90, nën udhëheqjen e njeriut të urtë e largpamës, dr. Ibrahim Rugovës, presidentit tonë historik, udhëheqësit të Lidhjes Demokratike, kësaj familjeje të madhe politike, shtet ndërtueses e Kosovës”.

Ajo tutje nënvizon përkushtimin ndaj përmirësimit të cilësisë së jetesës së qytetarëve, fuqizimin e grave në vendimmarrje dhe mbrojtjen e lirive dhe të drejtave qytetare.

“Përmirësimi i cilësisë së jetesës së qytetarëve, një Kosovë më e mirë për të gjithë, mbrojtja dhe promovimi i lirive qytetare, mbrojtja e të drejtave dhe lirive të secilit qytetar: promovimi i gruas në vendimmarrje dhe fuqizimin i saj dhe përfaqësimi në pozita drejtuese janë jo vetëm synime politike për të cilat do të shkrij gjithë dijen time, por edhe premtimi im publik para jush. Ato janë shtyllat e veprimit tim nga të cilat nuk do të shmangem asnjëherë” shtoi Bekteshi.

Lendita Bekteshi në zgjedhjet e 9 shkurtit kandidon me numër 66./GazetaInfokus

Subscribe në YouTube: GAZETA INFOKUSI
Prince Caffe dhuron veturën “Kia Sportage” (VIDEO)
-Advertisement-

Të tjera

Fokusi

lajme