Lajme

Kandidatit të VV-së në Ferizaj para një muaji iu gjet drogë në veturë (Dokument)

Autori: Gazeta inFokus 13:07 | 29 September 2017

​Kandidati për Asamble Komunale në Ferizaj, Dritëro Hyseni, muajin e kaluar më 22 gusht, në orën 01:30, ishte zënë me lëndë narkotike nga Policia e Kosovës.

Sipas raportit policor që ka siguruar Lajmi.net, kandidati i Vetëvendosjes e kishte pranuar para hetuesve të DHTN në Ferizaj, se marihuanën e kishte konsumuar prej moshës 17-vjeçare, por që mbetja e kësaj lënde narkotike në veturën e tij, të cilën e kishte gjetur policia, sipas kandidatit të Vetëvendosjes, ishte mbetje prej asaj kohe, meqë tani thotë se nuk e konsumon më dhe se nuk e kishte ditur që i ka mbetur në veturë.

Duke u bazuar në provat materiale dhe deklaratat e të dyshuarve, nën dyshimin e bazuar, hetuesit kanë paraqitur edhe Kallëzim Penal kundër tij me veprën penale “Posedim i paautorizuar i narkotikëve, substancave psikotropike ose analoge”, vepër kjo e sanksionuar nga neni 275, paragrafi 2 i KPRK-së.

Raporti i siguruar mban datën e 24 gushtit 2017 dhe aktivisti i Vetëvendosjes ishte në veturë me disa shokë të tij.

-Advertisement-

Mësohet se me këtë rast tani është duke u marrë Prokuroria Themelore në Ferizaj. /Lajmi.net/.

 

Subscribe në YouTube: GAZETA INFOKUSI

Të tjera

Fokusi

lajme