Shëndetësi

Kanceri i gojës: Ky vrasës i heshtur

Autori: Gazeta inFokus 13:54 | 22 October 2020

Kanceri i gojës paraqitet si një rritje ose plagë në gojë e cila nuk zhduket për një periudhë relativisht mbi 6 muaj. Kanceri oral mund të rrezikojë jetën nëse nuk njihen faktorët, ecuria, trajtimi e prognoza. Ai për fshin kancerin e buzëve, gjuhës, dhe kudo brenda kavitetit oral.

Simptomat e kancerit të gojës:

1- Ënjtje/trashje, zona të forta / zona erosive të kuqe në buzë, gjuhë/plagë që nuk shërohen.
2-Zhvillimi i disa pllakave ngjyrë të kuqe, bardhë ose kombinim i tyre të cilat gjakosen shpesh ose vetvetiu.
3-Gjakderdhje e pashpjegueshme nga goja.
4-Vështirësi në gëlltitje, të folur, të përtypur.
5-Humbje e ndjeshmërisë e pashpjegueshme, dhimbje ose fortesim në zona të ndryshme pa patur stimul.
6-Dhimbje fyti e vazhdueshme, ndryshim zëri.
7-Dhimbje veshi.
8-Ndjesia sikur ke diçka e cila ka ngecur në fyt.

-Advertisement-

Shkaktari kryesor i tumoreve oral eshte duhani, i cili ka në përbërjen e tij karcinogjenë dhe toksina që dëmtojnë ADN e qelizave, duke çuar ne deformim të informacionit gjenetik qelizor e më pas në kancer.

Përveç duhanit, risk te lartë paraqesin cigaret elektrike, purot, tymosja me llullë dhe alkooli. Kombinimi i alkoolit me duhanin dyfishojnë shancet për kancer.

Ekspozimi ne diell është faktori kryesor në kancerin e buzës ,i cili është mjaft agresiv dhe shpeshherë i padiferencueshem nga plagët e thjeshta te buzës.
Infektimi me HPV mbart rrezik të lartë gjithashtu.

Subscribe në YouTube: GAZETA INFOKUSI
Etiketa:

Të tjera

Fokusi

shendetesi