Lajme

Kamberi: Preshevës i duhet udhëheqësi që kritikat i ka ndaj Beogradit, jo ndaj Prishtinës dhe Tiranës

Autori: Gazeta inFokus 00:03 | 10 February 2024

Deputeti në Parlamentin e Serbisë, Shaip Kamberi, e ka falënderuar çdo mbështetës, votues, aktivist që në zgjedhjet e 17 dhjetorit treguan gatishmërinë që të mbështesin kauzën e tij politike.

Tutje, ai ka thënë se sonte, njësia numër 6 në Preshevë ua ka dhënë edhe një shtysë, që angazhimin e tij politik ta vazhdojë e intensifikojë edhe më shumë.

“Sonte, njësia nr. 6 në Preshevë na dha edhe një shtysë, që angazhimin tonë politik ta vazhdojmë e intensifikojmë edhe më shumë, që edhe në zgjedhjet lokale në këtë komunë të tregojmë që ata të cilët gojën e kanë plotë akuza e kritika për Kosovën e Shqipërinë, përderisa ne diskriminimin e përjetojmë nga Qeveria në Beograd, nuk e kanë vendin në krye të komunës me popullsinë më të madhe shqiptare në Luginë”, ka shkruar Kamberi në Facebook.

-Advertisement-

“Preshevës i duhet udhëheqësi që kritikat i ka ndaj Qeverisë në Beograd, nga ku kjo komunë është anashkaluar duke mbetur si më e varfra e me rrogën më të ulët në tërë territorin e Serbisë, nga ku merren vendimet për të mbetur pa gjykatë e ndër komunat më të pazhvilluara! Ndërsa ndihmën e jo akuzat i kërkon në qeveritë e Kosovës e Shqipërisë! E për këto, betejat tona s’do ndalen, ato do vazhdojnë përditë!”, ka shkruar ai.

Vizitoni knanlin tonë në Youtube:

Subscribe në YouTube: GAZETA INFOKUSI
Etiketa:
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme