Lajme

Kamberi: Lugina të jetë pjesë e marrëveshjes finale Kosovë-Serbi

Autori: Gazeta inFokus 14:30 | 05 September 2022

Deputeti shqiptar në Parlamentin e Serbisë, Shaip Kamberi, ka kërkuar që çështja e shqiptarëve të Luginës së Preshevës të përfshihet në marrëveshjen finale të dialogut Kosovë-Serbi.

Pas takimit me zëvendëskryeministrin e Kosovës, Besnik Bislimi dhe ministren e arsimit, Arbërie Nagavci, në Komunën e Bujanocit, Kamberi tha se shpresojmë që kjo kërkesë të përfshihet në dialog.

“Çështja e të drejtave të Luginës duhet të jetë prezente, besojmë dhe shpresojmë që Qeveria e Kosovës, marrëveshjen finale që duhet të arrihet me Serbinë, çështjen e shqiptarqve të Luginës ta ketë pjesë”, tha ai.

Zëvendëskryeministri i Kosovës, Besnik Bislimi dhe ministrja e arsimit, Arbërie Nagavci po qëndrojnë për vizitë në Luginën e Preshevës./Kp

Të tjera