Lajme

Kalon në parim Projektligji për referendumin

Autori: Gazeta inFokus 07:00 | 17 October 2018

Projektligji për referendum e ka kaluar me sukses pragun e parë në Kuvendin e Kosovës. Është miratuar në parim të martën nga Komisioni për legjislacion. Shtatë vota për dhe një abstenim i kanë hapur rrugë ndjekjes së procedurave të tjera, formimit të komisionit vlerësues e angazhimit të ekspertëve deri në sjelljen e tij në seancë plenare për shqyrtim, shkruan sot Koha Ditore.

Megjithatë, para miratimit ka nxitur përplasjen e deputetëve të Vetëvendosjes dhe PSD-së. Kjo e fundit është iniciuese e projektligjit.

Kryetarja e Komisionit, njëherësh deputete e VV-së, Albulena Haxhiu, ka thënë se Projektligji ka shumë mangësi dhe se ka gabime qesharake. Ka thënë se “problemet e Projektligjit janë tejet të mëdha”.

-Advertisement-

“E drejta për referendum është e pakontestueshme dhe Kosova ka bërë gabim që nuk ka pasur referendum deri më tani. Megjithatë, në këtë projektligj ka shumë mangësi”, ka thënë Haxhiu.

Pas kësaj ka reaguar deputeti i PSD-së, Frashër Krasniqi, duke thënë se VV-ja dhe Haxhiu e kanë problem faktin që PSD-ja e ka iniciuar këtë çështje dhe jo se ka probleme në Projektligj.

Subscribe në YouTube: GAZETA INFOKUSI
Fillon aplikimi për Global Engineer Girls Kosova

Të tjera